लूका 21:16 - Korwa Bible

¹⁶ अपेरिकुःआ एंगा-अपा, वपककू अरू जइत सगाकू अरू सउंगताकू हों अपेकू एचे साबता, अरू अपे अते तोनोंग तोनोंग होड़कूकू एचे ञेड एंडागोडपेता।

लूका 21:16 Σταυροειδείς Αναφορές

मती ओजाःतेरा भगवानराः नपाय सरवन 10:21

वगत अनँयग बोहोत एचे साबकेडखन अरू अपात बेटात एचे साबकेडखन ञेड एंडाय लगाकू जिमागेयता। अरू लइंकू अँननकूरिकुःआ एंगा-अपा घंटावकेडखनकू ञेड एंडागोडकूता।

मरकूस 13:12

वगात अनँयग बोहोत अरू अपात अनँयग बेटा ञेड एंडा लगाकू इदीता। लइंकू अँननकूरिकुःआ एंगात अपातकू हिनइस-बिनइसवाता अरू हँकूकू एचे ञेड गोएगगोडकूता।

लूका 12:53

अपात बेटात सुदा अरू बेटात अपात सुदाकिन घंटाव होड़ेंगता। एंगात बिटीत सुदाकिन घंटाव होड़ेंगता। हनहारतो किमिनतो सुदा अरू किमिनतो हनहारतो सुदाकिन रीस होड़ेंगता।”

लूका 21:15

हननमेला अपे हँकू सुदा बड़रा लगा कनहूनिंग एमेवापेता। अपेराः हना बड़रा अयूमकेडखन अपेरिकुःआ मुदइ होड़कू ओरोकू हरुवाव अवेतेडपेःआ अरू ओरोकू घंटाव अवेतेडपेःआ।

लूका 21:17

अपे ईंगरिकुःआ चेलाकू हवे। हनालगा हँकू अपेकू हिनइस-बिनइसवाता।

मूक चेलाकू 12:2

अरू हाँय एहुनारीग वगात एकूब, तलवइरतेय भोका ञेड एंडातिरिया।

मूक चेलाकू 7:59

हँकुःआ होड़कू इसतपनूस दिरितेकू तेकेया हनमेला हाँय अरजीतेरा, “परबू ईसू, ईंग आम तिःईरे ईंगराः हनसायिंग जिमागेतना।”

उदुःतो कताकून 12:11

हँकुःआ बिसवासी होड़कू भेड़ा होनराः बलंगीते, अरू हाँयरिकुःआ हिदइतदारकू दोहोन अतेकू जितावयान। अरू हँकू गुजुः ततेररे हों, अँननकूराः जीव बनसावगे लगा मेरकू ओंगोल दोहोगाड।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।

उदुःतो कताकून 6:9

हनते भेड़ा होन पाँच नमारराः मोहरे उघाड़तेरा दो, भगवानराः सरवन लगा अरू हना सरवन होड़कू एचेरे कता उदुः अतेकू ञेड गोएगतेडकुःआ, हँकुःआ होड़कूराः हनसा ईंग धाम पेंदारेयिंग ञेलतेरा।