लूका 20:24 - Korwa Bible

²⁴ “मीटोंग चाँदीराः रिचकी ढिबुवा ईंगपे उदुःवा। हना रिचकी ढिबुवारे इयेराः मुरइत अरू ञाव ओजाःतो इदा?” हँकू कताया, “मरंग राजा कइसरराः।”

लूका 20:24 Σταυροειδείς Αναφορές

मती ओजाःतेरा भगवानराः नपाय सरवन 18:28

हनते हाँयग सेवकिया हना ओड़ाः अतेय उडुंगनेन दो हाँय अनँयगरीग संग सेवकिया सुदाय जुमावनेना। आँयग संग सेवकिया हाँय अते मी सव चाँदी रिचकीराः रीने गोःतेरा। दो हाँयग सेवकिया होड़ अनँयगरीग संग सेवकियाराः होटोःतोय होड़रेगतेरा अरूय कतावातिरिया, आम ईंग अतेम गोःतेरा हना रीन एमे कुदावायिंगमे।

मती ओजाःतेरा भगवानराः नपाय सरवन 20:2

हाँय हँकुःआ मंजुरियाकू लगा मी दिनराः बुता बनी एमे लगा हँकू सुदाय रायनेना। हनते हाँय हँकुःआ होड़कू अनँयग बगइचारे बुता लगाय वारगोतेडकू।

मती ओजाःतेरा भगवानराः नपाय सरवन 22:20

हनते ईसू होंबोरतेड, “नाःआ रिचकी ढिबुवारे इयेराः ञाव अरू मुरइत इदा?”

मरकूस 12:16

दो हँकू हना चाँदीराः रिचकी ढिबुवाकू अगूतेरा अरू ईसू हँकू एचेरेय कतातेरा, “नाःआ रिचकी ढिबुवारे इयेराः मुरइत इदा अरू इयेराः ञाव ओजाःतो इदा?” हनते हँकू कतातेरा, “मरंग राजा कइसरराः मुरइत अरू हाँयराः ञाव इदा।”

लूका 2:1

हनानाः दिनरे अगसतस ञावीग रूमी देसरीग कइसर राजा नाःआ हुकुमे एमेतेरा, जमा रूमी देसरिकुःआ होड़कू मलगुजारी एमे लगा अँनकूराः ञाव एचे जोड़ाव इदा, माःआन।

लूका 20:22

दो अले उदुःवालेमे आम चेले माःआनमे ओंगलेतना? कइसर राजा मलगुजारी एमेवाय लगा नपाय इदा जा कोवान?”

लूका 20:23

ईसू हँकूराः अडिग बड़रा सुदीतेडखने कतातेरा,

लूका 20:25

दो ईसू कताया, “मरंग राजा कइसरराः हवे हान हनाँयपे ओवा अरू भगवानराः हवे हान भनगवानपे एमेवा।”

लूका 23:2

हँकू ईसू बदीरे पिलातूस एचेरेकू कताया, “नाँयग होड़ अलेरिकुःआ होड़कूय बहकावता। नाँय कतायता रूमी देसरीग राजा एचेरे मलगुजारी अलोपे एमेय अरू अनँयग बदीरेय कतायता, ईंग मसी अरू राजा हवे, माःआन।”

लूका 3:1

तिबिरियास कइसर रूमी देसरीग मरंग राजा पंदरह बरिस वरीतेय दोहोना। हननमेला पुंतियूस पिलातूस, एहूदिया राइजरीग मरंग हातपात होड़े दोहोना अरू हरदोस, गलील छतररीग हातपात होड़े दोहोना अरू हाँय वगात पिलिपूस, इतुरिया छतर अरू तरकोनीतीस छतररीग हातपात होड़े दोहोना अरू लिसानियास, अबिलेना राइजरीग हातपात होड़े दोहोना।

मूक चेलाकू 11:28

हँकू अते मी होड़राः ञाव दोहोना अगबूस। हाँय जमाकू तलारे चड़ाँनेनखन सुद बिरुवा एचे कता इयाय कता उदुःतेरा, “जमा चउंदीसरे कतकाल होयाःता।” (अरू हना कतकाल मरंग राजा कलाउदियूस राइजगेःआ हनमेला होयानेना।)

मूक चेलाकू 26:32

दो अगरिपा पिसतूस एचेरेय कतातेरा, “नाँयग होड़, कइसर मरंग राजा ईंगे फड़ियावगे लगायिंग असेयतना, माःआन अहाय कताकेः दो नुँहू नाँय अड़ाःगोडकेयाबू।”

पिलिपी 4:22

नाःआ सहररे अरू कइसर राजाराः ओड़ाःरे इदानकुःआ, भगवानरिकुःआ जमा सुद होड़कू अपेकू मसी सलामतना।