लूका 19:6 - Korwa Bible

⁶ हनते जकई ओहेन सींग दूब अते उतरावकियानखन बहालते ईसू अनँयग ओड़ाःरेय गोःयाडीग।

लूका 19:6 Σταυροειδείς Αναφορές

लूका 19:5

दो ईसू हना लुवा दूबरेय सोदोरनेन दो, संगीलवाडखन हाँय एचेरेय कताया, “ने जकई, हलूतेम उतराव वेग। तिसिंग ईंग आम ओड़ाःरे गुतियायिंग सेनता।”

लूका 19:7

नाःआ ञेलवाडखन होड़कू ईसूराः बदीरे कुरबुराः घड़ीनकू कताया, “माँय कसूर होड़राः ओड़ाःरे गुतियाय सेनेकिया।”

लूका 2:16

हँकू सेन उसरावतेडखनकू सोदोरनेन। हंडा उसूप अरू मरियम दोहोना अरू डेंबा ठोंगारेकू ञेलतिरिया।

लूका 5:29

अरू लेवी अनँयग ओड़ाःरे मुरुक होड़कू जोम लगाय सरबहातेरा। अरू हँकिन सुदा मुरुक बगरा मलगुजारी गोः होड़कू अरू एटाः एटाः होड़कू हों हंडा जोजोम लगाकू दुड़ुःनेना।

मूक चेलाकू 16:15

हनते हाँय अरू आँयग ओड़ाःरिकुःआ जमा होड़कू हाँय सुदा बतिसमाकू गोःतेरा। अरू हाँय अलेय नेत-नेवारतेडखने कताया, “अपे ईंग मी होड़ बिसवासी होड़ माःआनपे ओंगलेयिंगतना दो, ईंग ओड़ाःरे गुतियापे वेग।” अरू अले हाँय ओड़ाः अरीनले सेन वरी हाँय रेनहातेडलेःआ।

मूक चेलाकू 16:34

हनते हाँयग अगुरा होड़ हँकिन आँयग ओड़ाःरेय गोःतेडकिनखन जोम लगाय एमेवातेडकिना। हाँय आँयग ओड़ाःरिकुःआ जमा होड़कू सुदा भगवान एचेरेकू बिसवासतेरा। हनालगा हाँय अरू आँयगराः ओड़ाःरिकुःआ जमा होड़कूराः जीव मुरुक बहालयान।

मूक चेलाकू 2:41

हाँयराः सरवनकू कबुलावयना, हँकुःआ होड़कू बतिसमाकू गोःतेरा अरू हना दिन पेय हजार होड़कू बिसवासी होड़कू सुदाकू मेसानेना।