लूका 19:24 - Korwa Bible

²⁴ हनते हंडा चड़ाँकुःआकू हँकुःआ होड़कू एचेरेय कताया, नाँयग होड़ अते सोनाराः रिचकी ढिबुवा गोःयापे अरू दसटोंग रिचकी ढिबुवा इदाना हाँय एचेरे नाःआपे एमेगोड, माःआन।

लूका 19:24 Σταυροειδείς Αναφορές

लूका 12:20

मनदो भगवान हाँय एचेरेय कतातेरा, ने बुयांग, तिसिंग रइत आम गोएग जुवाःताम। आम जुमावकेरा हना जमा इयेराः होयाःता?

लूका 16:2

दो गिरहत होड़, जिमेवारी होड़ राःतेडखने होंबरेया, ईंग करा करा उड़ी आम बदीरिंग अयुमेतना? आम मड़ंग दिन ईंगरीग जिमेवारी होड़ ओरोम दोहो अवेनेना। हनालगा ईंगराः आन-धानते चिनचिलाम करेगकेरा हना आम ईंगमे ओजाः उदुःवा।

लूका 19:13

हाँय सेन अते मड़ंग अनँयग दसटोंग सेवकियाकूतेने राःतेरा अरू मेमेड होड़ मेमेड होड़ एचेरे मेमेडटोंग सोनाराः रिचकी ढिबुवा एमेतेडखन हँकू एचेरेय कताया, ईंग अरीनिंग कुदा वेग वरी अपे नानाःतेपे पुंजियावगे। हनते हाँय तोराय।

लूका 19:23

नाःआम सुसुदीया दो ईंग एमेतेरा हना ढिबुवा पुंजियाव लगा तोनोंगीग एचेरे चिला लगा मेरेम एमेगाड? नाःआ इया आम एचेकेः दो, ईंग एमेतेरा हनाराः नफा सुदा ईंग पवावकुःआ।

लूका 19:25

दो हँकुःआ होड़कू कताया, ने मालिक, हाँय एचेरे दो दसटोंग रिचकी ढिबुवा इनिदा, माःआन।