लूका 17:1 - Korwa Bible

¹ ईसू आँयग चेलाकू एचेरेय कताया, “होड़कूके कसूररे बझाः लगा मुरुक दाव होयाःता। मनदो एटाः होड़कूय एचे बझावता हाँयग होड़राः जीव ठीक जुवाःता।

लूका 17:1 Σταυροειδείς Αναφορές

मती ओजाःतेरा भगवानराः नपाय सरवन 16:23

दो ईसू ञेल उलटावतेडखन पतरसे कतावाड, “ने कलउ, ईंग मड़ंग अते तोरेनमे। आम ईंगराः दूरमे रेड लगा ओंगलेता। आम भगवानराः कता इया कोवान, मनदो होड़कूराः कता इयाम ओंगोलतना।”

मती ओजाःतेरा भगवानराः नपाय सरवन 18:7

होड़कूकू एचे कसूरकूता हना कताकूनते चउंदीसरिकुःआ होड़कूराः जीव ठीक जुवाःता। ननानाः कताकून होनोयाः लगा इदा। मनदो एटाः होड़े एचे कसूरता हाँयग होड़राः जीव ठीक जुवाःता।

लूका 16:31

इबराहीम हाँय एचेरेय कताया, मोसेस अरू भगवानराः बड़रा कता होड़कूराः सरवन हँकू मेरकू मनाः दो गोएगतो होड़कू अते तोनोंगीग जियाव रिमुः हों हँकू कसूर अते जीव ओनोरोकू कुदातेरा।”

रूमी 14:13

हनालगा अबू एटाः होड़कू अरू अलोबू बदीकू। मनदो अबू अँननबू अबू ओंगोल बुझावबाःगुः लगा इदा, ईंग तोनोंगीग होड़राः बिसवास दूर अते हाँय बहकावगेय लगा अलोयिंग रेडगेय, माःआन।

रूमी 16:17

दो ईंगरिकुःआ अजी बोपोहकूतिंग, अपे एचेरे गोड़न-पइयनकियानखन अरू मीटोंग कतायिंग असेयतना, होड़कू अपे चेडकिया हना चेडतो अते एटाः इया चेडकेडखन होड़कूकू हिगार हटिंगगोडकूता अरू होड़कू बिसवासतेकू एचे चलाःगोडकूता। दो हँकुःआ होड़कू सुदा सवासितीपे दोहोन अरू हँकू अते तोरेपे दोहोन।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

1 कुरिंती 11:19

अपे तलारे बेगराव हटिंग मेर होयाः दो करा इयापे सुदी अवेय, भगवानराः ओंगोलरे सताय होड़कू इये इये इदानलेःआ, माःआन?

1 कुरिंती 8:13

हनालगा ईंग जोजोम अते वपक बोपोहकूतिंग अते तोनोंगीगिंग एचे कसूरगेय दो ईंग मास कहियो ओरोयिंग जोपेडा।

1 तिमुतियूस 4:1

भगवानराः सुद बिरुवा नपायते उदुःगेता, दरवाःआ हना बेला अदोम होड़कू बहकावकूता हना भूतकूराः चेडरे बिसवासकेडखन सताय बिसवासकू अड़ाःगोडता, माःआन।

उदुःतो कताकून 2:14

मनदो अपे बदीरे ईंगके तोनोंग तोनोंग बड़रा ककता लगा इदा; अपे अते अदोम होड़कू बिलामराः चेडतोकू मनाःता। हाँयग बिलाम, बालाक राजा एचेरेय कता उदुःवातेरा, इसराएल होड़कूम लहकावगोडकू, जेमहा हँकू मुरतीकून मड़ंगरे मंडावतो जिनिसकूनकू जोम अरू सनहा-सनहीकू एचेय, माःआन।

उदुःतो कताकून 2:20

हनते हों अपे बदीरे ईंगके मीटोंग बड़रा ककता लगा इदा; इजबील ञावीग अइमी मेरपे हिगार एंडायतना। हाँय ईंगरिकुःआ सेवकिया होड़कू अडिगकेडकूखने कतायता, ईंग भगवानराः बड़रा कतायीग अइमी हवे, माःआन। हाँयराः चेडतोते, मुरतीकून मड़ंगरे मंडावतो जिनिसकून जोम लगा अरू सनहा-सनहीपे एचेय लगा होड़कूय बहकावतना।