लूका 14:21 - Korwa Bible

²¹ हनते हाँयग सेवकिया होड़ जमा बड़रा मालिक एचेरेय कता उदुःतेरा। दो हाँयग मालिक रीसवाडखन सेवकियातेन एचेरेय कताया, सहरराः बजारकूनरे अरू खोइड़कूनरे सेनेवाडखन गरीबकू अरू खोड़ा होड़कू अरू लंगड़ा होड़कू अरू अंधा होड़कू नंडाम राः अगूकू।

लूका 14:21 Σταυροειδείς Αναφορές

मती ओजाःतेरा भगवानराः नपाय सरवन 11:28

ने भजल-तकल अरू बोझारे इदानपेःआ होड़कू, अपे ईंग एचेरेपे वेग, दो ईंग अपे लोड़ोन लगायिंग एमेवापेता।

मती ओजाःतेरा भगवानराः नपाय सरवन 11:5

अंधाकू ञेलतना, टुठा होड़कू सेनतना, कुड़गा होड़कू नपाययना, भइरा होड़कू अयुमेतना, गोएगतो होड़कू जियाव रिमुःतना अरू गरीब होड़कू एचेरे नपाय सरवनकू परसारगेतना।

मती ओजाःतेरा भगवानराः नपाय सरवन 15:12

हनते चेलाकूतेन ईसू एचेरे वेगनेनखनकू होंबोरतिरिया, “आम सुसुदीतना जा फरीसी होड़कू नाःआ कता अयूमकेडखनकू रीसयना?”

मती ओजाःतेरा भगवानराः नपाय सरवन 18:31

एटाः सेवकियाकू हंडा होयानेना हना जमाकूनकू ञेलतेरा दो, हँकूराः जीव मुरुक हुडिंगनेना। हनते हँकू सेनेडखन मालिककूतेन एचेरे हंडा चिनचिला होयानेना हना जमाकूनकू कता उदुःवातेरिया।

मती ओजाःतेरा भगवानराः नपाय सरवन 20:7

दो हँकू कता कुदातेरा, अले तोनोंगीग बुता लगा मेरकू उदुःवागाडले। हनालगा अले इसने ननंडा इदानलेःआ। दो हाँय हँकू एचेरेय कतातेड, अपे हों सेनेकियानखन ईंगराः अंगूर बगइचारेपे बुता।

लूका 14:13

मनदो आम होड़कू जोम लगाम राःकूतान दो गरीब होड़कू, खोड़ा होड़कू, लंगड़ा होड़कू अरू अंधा होड़कूम राः।

लूका 14:20

अरू मी होड़ कताया, नुँहू नुँहू ईंगराः बियाह होयाकिया। हनलगा ईंग ओरोयिंग सेने अवेतेरा, माःआन।

लूका 14:22

तयोमरे सेवकिया होड़ कताया, ने मालिक, आम कतातेरा हनन इयायिंग एचेकेरा। हनारे हों होड़कू मेरकू पेरेगगना।

लूका 14:24

ईंग अपे एचेरेयिंग कतायतना, मड़ंग ईंग राःतेडकुःआ हँकुःआ होड़कू अते तोनोंगीग ईंग ओड़ाःरे ओरोयिंग जोम ओवातेडकुःआ।”

लूका 24:47

होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

लूका 9:10

ईसू वारतेडकुःआ हँकुःआ मूक चेलाकूतेन कुदा वेगयान अरू हँकू चिल चिलाकू एचेतेरा हना ईसू एचेरेकू उदुःतेरा। अरू ईसू हँकू हिगारतेडकूखन बेतसइदा सहररेय गोःयाडकू।

एहुना 9:39

दो ईसू कतातेड, “ईंग नाःआ चउंदीसरे होड़कू फड़ियाव लगायिंग वेगकिया। नाःआ अते मेरकू ञेञेलतना हँकुःआ होड़कू ञेलता अरू ञेञेलतना हँकुःआ होड़कू अंधा जुवाःता।”

इबरानी 13:17

अपेरिकुःआ मूक होड़कू अपेकू तिहा हड़ाःता। हनालगा हँकूराः हुकुमपे मनाः अरू हँकूराः आड़रेपे दोहोन। हँकूके अपे बदीरे भगवान एचेरे आभा पुपुराव पराःता। हँकू बनाहालते नाःआ बुताकूपे एचे ओवाकू। हँकूके नाःआ बुता हंबाल इया होया जुवाः दो, अपे लगा तोनोंगाः नफा ओरो होयानेना।

इबरानी 2:3

भगवान अबूय सडावता हना मुनुरुक मरंग सरवनबू आड-बेकारवा दो, करा इयाबू बनसाव अवेनता? नाःआ सडावराः सरवन मड़ंगरे परबू ईसू कतातेरा, अरू हाँय अतेकू अयूमतेरा हँकुःआ होड़कू हना सरवन सताय हवे माःआनकू पनकियाबाःगोतेरा।

एकूब 2:5

ईंग अजी बोपोहकूतिंग, अपे ईंगपे अयूम, नाःआ चउंदीसरिकुःआ गरीब होड़कू भगवान आयँगराः बिसवासरे गिरहत होड़कू बड़ाँः लगाय सुनावकेडकुःआ। अरू भगवानकू दुलारता हँकुःआ होड़कू लगा आँयग जबानकेरा हना इया सेरमो देसरिकुःआ इताडदारकू तुला लगा होंय सुनावकेडकुःआ।

उदुःतो कताकून 19:15

राइज राइजरिकुःआ होड़कू ञेड लगा हाँयराः आहते मीटोंग लसेर तलवइर उडुंगगुःतना। हाँय लोहाराः बोंग साबकेडखन हँकू एचेरेय राइजगेता। हाँय अंगूरराः रस उडुंग लगा डोडहारे अनँयग आँयग धड़ियावगेता। हना डोडहा अगम जंगरदार भगवानराः रंजावतो रीस उदुःता।

उदुःतो कताकून 22:17

सुद बिरुवा अरू कनिया कतायता, “वेगमे।” अरू अयुमेता हाँय कताय, “वेगमे।” अरू ततंगतो होड़कू वेग लगा इदा अरू चाहाःताय हाँयग होड़ बेगर दामते जीवराः दाःए ञूय।