लूका 13:14 - Korwa Bible

¹⁴ ईसू लोड़ोनराः दिनरे हसूतेय नपायतिरिया। हनालगा अरजी ओड़ाःरीग हातपात होड़ रीसनेनखन होड़कू एचेरेय कताया, “बुता लगा हपतारे छो दिन इदा। हनामिन दिनरे वेगकियानखन हसूतेपे एचे नपायगुः। मनदो लोड़ोनराः दिनरे अलो।”

लूका 13:14 Σταυροειδείς Αναφορές

मती ओजाःतेरा भगवानराः नपाय सरवन 12:2

मनदो हना ञेलकेडखन फरीसी होड़कू ईसू एचेरेकू कताया, “ञेलमे, आमरिकुःआ चेलाकू, अबूराः नियम इया लोड़ोनराः दिनरे मेरबू एचेता, हनाकू एचेयतना।”

मरकूस 5:22

दो हंडा मी होड़ आईर ञावीग होड़ दोहोना। हाँय अरजी ओड़ाःरिकुःआ हातपात होड़कू अते मी होड़े दोहोना। हाँय ईसूय ञेलवाडखन ईसूराः काटतरे उकुड़ोमवाडखन मुरुके असेया,

लूका 6:11

नियम चेडदार होड़कू अरू फरीसी होड़कू मुरुक रीसनेनखन बहरीकू उडुंगयान अरू हँकू जहड़ होड़ेंगा, “अबू ईसू करा इयाबू करजेय?”

लूका 6:7

नियम चेडदार होड़कू अरू फरीसी होड़कू ईसू बदीगेय लगाकू ञामा। हँकू ईसू लोड़ोनराः दिनरे, माँयग होड़े नपायगेयता जा कोवान हनाकू टोहाःआ।

लूका 8:41

आईर ञावीग मी होड़ होड़ दोहोना। हाँय अरजी ओड़ाःरीग हातपात होड़े दोहोना। हाँयरीग मी होड़ बारह बरिसीग बिटीत दोहोना। हाँय गुजुः इयाय दोहोना दो आईर ईसू एचेरेय सेनेडा। हाँय ईसू मड़ंगरे उकुड़ोमवाडखन आँयग ओड़ाःरे सेन लगाय असेःआ। दो ईसू हाँय ओड़ाः सेन मेला, दूररे मुरुक होड़कू हाँय सुदा रेहेड-तेपेडकू सेनेडा।

मूक चेलाकू 13:15

दो भगवानराः नियमकून अरू भगवानराः बड़रा कता होड़कूराः कागद अते बछावनेनखन तयोमरे हना अरजी ओड़ाःरिकुःआ हातपात होड़कू हँकिन एचेरे मी होड़ होड़तेकू एचे होंबोरतेडकिना, “ने वपक बोपोहकिन, नँकुःआ होड़कू कता-बहालकू लगा अबा एचेरे तोनोंगाः बड़रा कता लगा इदान दोबा कताय।”

मूक चेलाकू 18:17

हनते बेगर एहूदाकू अरजी ओड़ाःरीग हातपात होड़ सोसतिनूस साबतेडखन कोट कछेरी ओड़ाः मड़ंगरे हाँयकू ञेडतेरा। हनारे हों गलियो हँकुःआ होड़कू मेरेय रोंकावगाडकू।

मूक चेलाकू 18:8

अरजी ओड़ाःरीग हातपात होड़ किरिसपूस आँयग ओड़ाःरिकुःआ जमा होड़कू सुदा परबू ईसू एचेरेकू बिसवासतेरा। कुरिंतीरिकुःआ मुरुक बगरा होड़कू, पउलूसराः परसारकू अयूमतेरा हँकुःआ होड़कू हों परबू ईसू एचेरे बिसवासतेडखन बतिसमाकू गोःतेरा।

रूमी 10:2

ईंग सुसुदीतना, हँकुःआ होड़कू भगवान सेवा लगा मुरुक ओसताज इदानकुःआ। मनदो हँकू भगवानराः ओंगोल इया सेवागे लगा मेरकू सुदीयतना।