लूका 12:31 - Korwa Bible

³¹ मनदो भगवानराः राइजराः कताकूनपे ञाम, दो नाःआ जमाकून हों अँननपेराः होया जुवाःता।”

लूका 12:31 Σταυροειδείς Αναφορές

मती ओजाःतेरा भगवानराः नपाय सरवन 6:33

मनदो मड़ंगरे अपे भगवानराः राइजराः कताकून अरू बेगर गारबार जीव जियाः लगापे ञाम। दो नाःआ जमाकून हों अँननपेराः होया जुवाःता।

लूका 10:42

मनदो मिनीटोंग कता मइद इदा अरू हनानाः मनइद कता मरियम लुंबाड़केरा। हना हाँय अते तोनोंगीग ओरोकू लुड़ीतेरा।”

लूका 12:30

चउंदीसरिकुःआ होड़कू नाःआ इयाःआ कताकूनकू ञामता अरू अपेरीग अपांग भगवान सुदीयतना अपेके नाःआकूनराः जरूरी इदा, माःआन।

एहुना 6:27

लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

रूमी 8:31

भगवान अबू लगा नाःआ इया ननपाये एचेकेरा दो हना बदीरे अबू चेले माःआनबू कतायता? सतायरे, भगवान अबू अगी इदानिया, दो इये अबूय घंटाव अवेबूता?

1 तिमुतियूस 4:8

देह बड़ियाड़ बड़ाँवगे दो नपाय इदा, मनदो भगवानराः ओंगोल इया जीव बड़ियाड़ बड़ाँः दो हना जमालेःआते ननपाय इदा। नाःआ, चउंदीसराः गुजर मसर लगा अरू गुजुः तयोमराः जीव लगा हों नफा एमेयता।

इबरानी 13:5

ढिबुवाराः ललचीरे अलोपे दोहोन अरू अपे एचेरे जेमिन इदा हनानाःतेपे संतोकगे। भगवान कताकेरा, “ईंग आम कहियो ओरोयिंग अड़ाःतेडमेःआ, अरू कहियो ओरोयिंग लिड़िंगतेडमेःआ।”