लूका 11:15 - Korwa Bible

¹⁵ मनदो अदोम होड़कू नाःआ इयाकू कताया, नाँय भूतकूरीग राजा दरहाराः जंगरते भूतकूय उडुंगता, माःआन।

लूका 11:15 Σταυροειδείς Αναφορές

मती ओजाःतेरा भगवानराः नपाय सरवन 10:25

मनदो चेला चेडदारतेन सुदा अरू तोनोंगीग सेवकिया आँयगरीग मालिक सुदा बरोबइरगुः दो हाँय संतोकगे लगा इदा। हँकुःआ होड़कू, ओड़ाः मालिकतुकू दरहा माःआनकू कतावायता दो, ओड़ाःरिकुःआ एटाः होड़कू चिला लगा मेरकू ओपताकेःआ?

मती ओजाःतेरा भगवानराः नपाय सरवन 12:22

हनते तोनोंग तोनोंग होड़कू मी होड़ होड़ ईसू एचेरेकू अगूतिरिया। हाँयग होड़ कोंदा अरू अंधाय दोहोना। ईसू हाँये नपायतेरा अरू हाँय जमाकूने ञेला अरूय अयुमेःआ।

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

मती ओजाःतेरा भगवानराः नपाय सरवन 9:34

मनदो फरीसी होड़कू कतातेड, “हाँय भूतकूरीग राजाराः जंगरते, भूतकूय उडुंगकूता।”

एहुना 10:20

हँकू अते मुरुक बगरा होड़कू कताया, “नाँय एचेरे भूत इदा अरू नाँय बउड़ाहा इदानिया। नाँयराः कता चिला लगाबू अयुमे?”

एहुना 7:20

दो होड़कू कतातेरा, “आम एचेरे भूत इदा। अले तोनोंगीग आम ञेड एंडा लगा मेरले चहाःतना।”

एहुना 8:48

दो एहूदाकू नाःआ अयूमतेडखन ईसू एचेरेकू कताया, “आम समरिया होड़ हवे अरू आम एचेरे भूत इदा माःआनले कतायता दो हना कता सताय ना लवे जा?”

एहुना 8:52

हनते एहूदाकू कतातेरा, “नुँहू अले सुदीबाःगोतेरा, आम एचेरे भूत इदा। अबूरीग खुटिपरिया होड़ इबराहीम गोएगयना अरू भगवानराः बड़रा कता होड़कू होंकू गोएगयना। मनदो आम कतायता, तोनोंगीग होड़ ईंगराः कता इयाय सलाः दो, हाँय कहियो ओरोय गोएगनेना, माःआन।