लूका 10:15 - Korwa Bible

¹⁵ अरू कपरनहूम सहररिकुःआ होड़कू, अपे नाःआ इयापे ओंगलेतना, भगवान अले सेरमो देस अगीय गोःयलेता, माःआन। बुरी! हाँय दो अपे पतालपूररेय वारगोडपेता।”

लूका 10:15 Σταυροειδείς Αναφορές

मती ओजाःतेरा भगवानराः नपाय सरवन 10:28

अपेराः देहकू ञेड एंडाता, मनदो अपेराः बिरुवा ओरोकू गोएग अवेतेरा हँकुःआ होड़कू सुदा अलोपे बोर। मनदो अपेराः बिरुवा अरू देह दगलीकून नरगरेय लाय एंडा अवेता हनाँयपे बोरोवा।

मती ओजाःतेरा भगवानराः नपाय सरवन 11:23

अरू ने कपरनहूम सहररिकुःआ होड़कू, अपे नाःआ इयापे ओंगलेतना जा, भगवान अले सेरमो देस अगीय गोःयालेता। बुरी! हाँय दो अपे पतालपूररेय वारगोडपेता। भगवानराः जंगर बुतापे ञेलतेरा, हना इया सोदोम सहररिकुःआ होड़कू एचेरे भगवान एचेगोडकेःआ दो, हना सहर तिसिंगाः दिन वरी दोनोहोकुःआ।

मती ओजाःतेरा भगवानराः नपाय सरवन 4:13

तोनोंग दिन तयोमरे ईसू नसरत सहर अते उडुंगनेनखन, जबुलून अरू नपताली गोतोररिकुःआ होड़कू दोहोना हना छतरराः, हुडिंग समुंदरते धरीराः कपरनहूम सहर सेनेडखन हंडाय दोहोना।

लूका 13:28

अपे, अपेरिकुःआ खुटिपरिया होड़कू इबराहीम अरू इसहाक अरू एकूब अरू जमा भगवानराः बड़रा कता होड़कू भगवानराः राइजरे दुड़ुःतोपे ञेलकूता अरू भगवान अँननपे बहरीय एचे उडुंग एंडागोडपेता,

लूका 16:23

हाँयग गिरहत होड़ नरगरे तोराय अरू मुरुक पीरारेय दोहोना। हाँय संगीलतेडखने ञेलतेरा दो इबराहीम सुदा लाजरे ञेलतेरा।

2 पतरस 2:4

उहियारगेपे, मनाड़ंग जूगरे सेरमो देसरिकुःआ अदोम बराहीलकू कसूरतेरा दो, हँकुःआ बराहीलकू हों डंडियाव अते भगवान मेरेय अड़ाःगाडकू। मनदो हाँय हँकू पतालपूररेय सोलोंगगोतेडकुःआ, अरू फड़ियावराः दिन वरी मुरुक अंदरात डोडहारे सिकिड़ीते तोलकेडकूखने सोलोंगगोतेडकुःआ।