लूका 1:68 - Korwa Bible

⁶⁸ “इसराएलरीग परबू भगवान अनँयगरिकुःआ होड़कू सुदाय जुमावनेना अरूय सडावकेडकुःआ हनालगा हाँयराः जाग होयाः।

लूका 1:68 Σταυροειδείς Αναφορές

लूका 1:71

भगवान अबूकू हिनइस-बिनइसवाता हँकुःआ होड़कू अते, अरू अबूरिकुःआ मुदइ होड़कू अते, अबूय सडावबूता।

लूका 19:44

अरू नंडा दोहोनता अपे अरू अपेरिकुःआ लइंकू ओतरेकू ञेड लेबदा एंडागोडपेता। भगवान अपेय मयावातेरा हना अपे मेरपे मनेवागाड। हनालगा अपेराः दिरिराः ओड़ाःकून रेमगे एंडा अते ओरोकू अड़ाःतेरा।”

लूका 2:38

दो सिमोन, उसूप अरू मरियम एचेरेय कतातेरा हनमेला हाँय हनंडा सेनेकियानखन भगवाने जागतेरा। एरुसलेम सहररिकुःआ होड़कूराः सडाव लगाकू ततंगीःआ, हँकुःआ जमा होड़कू एचेरे हाँयग लँइग बदीरेय कता उदुःगेःआ।

लूका 24:21

अलेके असरा दोहोना, हाँय अले इसराएल होड़कूय अजइतलेता, माःआन। नाःआ इया होयाकियान अते नुँहू पेय दिन होयाकिया।

लूका 7:16

हना ञेलवाडखन जमा होड़कू बोरोयानकू। अरू हँकू भगवान जागवाडखनकू कताया, “मी होड़ मरंगीग भगवानराः बड़रा कतायीग होड़ अबू तलारेय वेगकिया अरू भगवान अनँयग होड़कूय मयावारा।”

इपीसी 1:3

सेरमो देसराः जमा बरानाः कताकून ईसू मसीते अबूराः जीवे भलावाडबुःआ अबूरीग परबू ईसू मसीरीग अपांग भगवानराः जाग होयाः।

इपीसी 1:7

भगवानराः अगम मयाते ईसू मसीराः बलंगीते अबू अजइतयना अरू अबूराः कसूरे बराव एंडाकेरा।

इबरानी 9:12

मसी मुनुरुक सुद ततेररे मेरोम अरू बसरूराः बलंगी गोःकेडखन मेरेय बोलोगना। मनदो अनँयग बलंगीते हना मुनुरुक सुद ततेररे मिनी तुरहा सगर सइट लगाय बोलोकिया। नाःआते हाँय सगर सइट लगा अबू कसूर अते सडावकेडबूखने अजइतगोतेडबुःआ।

1 पतरस 1:3

अबूरीग परबू ईसू मसीरीग अपांग भगवानिंग जागगेयता। हाँय अबू मुरुके मयावाडबुःआ अरू ईसू मसी गोएगतो होड़कू अतेय जियाव रेमकिडिगखन अबू लगा नँवा जीवे एमेकेरा, जेमहा अबू एचेरे, ओरो टुटीगनेना हना असरा दोहोन।