एहुना 9:35 - Korwa Bible

³⁵ ईसू अयूमतेरा, एहूदाकूरिकुःआ मूक होड़कू मड़ंगरे अंधाय दोहोना हाँयग होड़कू एकला एंडागोतेडिया, माःआन। दो ईसू हाँये ञामतेरा अरू जुमावनेनखन हाँय एचेरेय कताया, “आम मनुवारीग बेटात एचेरेम बिसवासगेतना जा?”

एहुना 9:35 Σταυροειδείς Αναφορές

मती ओजाःतेरा भगवानराः नपाय सरवन 14:33

नाःआ अते डोंगारेकू दोहोना हँकुःआ चेलाकू उकुड़ोमनेनखन ईसू एचेरेकू कताया, “सनातायरे अनम हवे भगवानरीग बेटा।”

मती ओजाःतेरा भगवानराः नपाय सरवन 16:16

दो सिमोन पतरस कता कुदातेरा, “आम मसी हवे, जीयत इदानिया हाँयग भगवानरीग बेटात हवे।”

मती ओजाःतेरा भगवानराः नपाय सरवन 4:3

हनते कलउ वेगनेनखन हाँय एचेरेय कतातेड, “आम भगवानरीग बेटा हवे दो, नाःआ दिरिकून रुटी बड़ाँः लगाम हुकुमगोड।”

मरकूस 1:1

भगवानरीग बेटात ईसू मसीराः नपाय सरवन नाःआ इया बुँहड़ीनता।

एहुना 1:18

तोनोंगीग होड़ भगवान कहियो मेरकू ञेलगडिया, मनदो भनगवानरीग दुलारीग मिनीटोंग बेटात एकला, अबू एचेरे भगवाने एचे उदुःकेरा।

एहुना 1:34

अरू हनायिंग ञेलतेरा अरू हाँय बदीरेयिंग कताबाःगेतना, हाँय भगवानरीग बेटात हवे, माःआन।”

एहुना 10:36

अरू अपांग भगवान आँयगराः बुता बुता लगा ईंगे सुनावकिडिंगखन नाःआ चउंदीसरेय वारकिरिंगा। दो ईंग बदीरे अपे चेले माःआनपे कतायता? ईंग भगवानरीग बेटा हवे, माःआनिंग कतायतान दो अपे चिला लगापे कतायता, आम भगवानमे ओपताता, माःआन?

एहुना 11:27

दो हाँय कतातेड, “हाव परबू, ईंग बिसवासगेतना, चउंदीसरे वेग लगाय दोहोना हाँयग भगवानरीग बेटात, मसी अनम हवे।”

एहुना 20:28

दो तोमा कतातेड, “ने ईंगरीग परबू अरू भगवान।”

एहुना 20:31

मनदो ईसू, भगवानरीग बेटात, मसी हवे माःआन अपे बिसवासगोड ञवन घड़ीन हाँयराः ञावते जीवपे पवाः लगा नाःआ जमा कताकून ओजाःतो इदा।

एहुना 3:36

बेटात एचेरेय बिसवासगेता हाँयग होड़ ओरो टुटीगनेना हना जीवे पवाःता। मनदो बेटाते आड-बेकारवाता हाँय, ओरो टुटीगनेना हना जीव ओरोय पवावनेना अरू भगवान हाँय सुदा मुरुक रीसतोय दोहोनता।”

एहुना 5:14

तयोमरे ईसू सुदा हाँयग होड़ भगवानराः ओड़ाःरेय जुमावनेना। अरू ईसू हाँय एचेरेय कतातेड, “ञेलमे! आम नपाययना। अरू अहम कसूरगे। नाःआ अते बगरा तोनोंग इयाःआ गराह कटसिया आम एचेरे अहा होयाः।”

एहुना 6:69

अले आम एचेरे बिसवासकेडखनले सुदीगोतेडा भगवानरीग सुद होड़ अनम हवे, माःआन।”

एहुना 9:22

तोनोंगीग होड़ ईसू, मसी हवे माःआने मनेवाया दो, हाँयग होड़ अरजी ओड़ाः अते हिगार एंडाय लगा एहूदाकूरिकुःआ मूक होड़कू मी रायरेकू दोहोना। हनालगा हाँयग होड़रिकिनाः एंगात अपात एहूदाकूरिकुःआ मूक होड़कूराः बोतोरतेकिन कतातेरा, नाँय लँइग कोवाया। हनालगा अपे अनँयग एचेरेपे होंबरे, माःआन।

एहुना 9:34

हँकू हाँय एचेरेकू कतातेड, “आम दो जनमावनेन वरीते कसूर होड़ इदानमेःआ। अरू नुँहू अलेम चेडतना जा?” हनते हँकू हाँय अरजी ओड़ाः अते हिगारतिरीगखनकू एकला एंडागोतेडीग।

मूक चेलाकू 8:36

दो हँकिन सेनेन सेन दूररे हना संडक कुटीरे दाः दोहोना। दो हाँयग मरंग हातपात होड़ कतातेरा, “ञेलमे नंडा दाः इदा। ईंग बतिसमा एमे अते तोनोंग टटी-बेड़ा इदा जा?”

मूक चेलाकू 8:37

[दो पिलिप कतातेरा, “आम जमा जीवतेम बिसवासगेतना दो बतिसमायिंग एमेवामता।” दो हाँय कता कुदातेरा, “हाव, ईंग बिसवासगेतना ईसू मसी भगवानरीग बेटात हवे, माःआन।”]

मूक चेलाकू 9:20

हनते साहूल तोनोंग दिन दिमसकूसरिकुःआ चेलाकू सुदाय दोहोना।

रूमी 1:4

अरू भगवान हाँय गोएगतो अतेय जियाव रेमकिरिया अरू हना अते सुद बिरुवा अबूय उदुःवाता, ईसू भगवानरीग बेटात हवे अरू हाँय एचेरे जमालेःआ जंगर इदा, माःआन।

रूमी 10:20

तयोमरे भगवानराः बड़रा कतायीग होड़ एसयाह बेगर बोरते भगवान लगाय कता उदुःतेरा, “ईंग मेरकू ञामगिंगा, हँकुःआ होड़कू ईंगकू पवावयान अरू ईंग मेरकू होंबोरगिंगा हँकुःआ होड़कू ईंग एचे उदुःवातेडकुःआ।”

1 एहुना 4:15

तोनोंगीग होड़ एटाःकू एचेरेय कतायता, ईसू भगवानरीग बेटात हवे, माःआन दो हाँय जीवरे भगवान दोहोनता अरू हाँय हों भगवान सुदाय मिनी जुवाःता।

1 एहुना 5:10

भगवानरीग बेटात एचेरेय बिसवासगेतना हाँयग होड़ अनँयग जीवरेय सुनुदीयतना भगवानराः हिदइत सताय हवे माःआन। भगवानराः कता मेरेय मनाःता हाँयग होड़ ओंगलेता, भगवान लबरातना, माःआन अरू भगवान आँयग बेटात बदीरेय कताकेरा हना कता हँकू मेरकू बिसवासगेतना।

1 एहुना 5:13

भगवानरीग बेटात एचेरेकू बिसवासगेतना हँकुःआ होड़कू लगा ईंग नाःआ कताकूनिंग ओजाःगेतना, जेमहा अपे सुदी अवे ओरो टुटीगनेना हना जीव अपे लगा भगवान एमेकेरा, माःआन।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

1 एहुना 5:5

ईसू भगवानरीग बेटात हवे माःआनकू बिसवासगेतना हँकुःआ होड़कू एकला नाःआ चउंदीसराः बेलूर ओंगोल अरू कताकूनकू अड़ाः अवेयता।

3 एहुना 1:10

हाँय एटाः होड़कू एचेरे बेलूर ओंगोलते अले बदीरे बड़राय बहकावगोड ञवनता। हनाते हों हाँय मेरेय राजूगान अरू हाँय बिसवासी होड़कू मेरेय नेत-नेवारकूतना। एटाः होड़कूकू नेत-नेवारता हँकुःआ होड़कूय रोंकावतना अरू हँकुःआ होड़कू कलसियारिकुःआ होड़कू अते एटाःगोडकूतनाय। हनालगा ईंग हंडा सेने दो हाँय एचेकेरा हना जमाकूनिंग उहियार अगूयता।