एहुना 9:24 - Korwa Bible

²⁴ हनते हँकू मड़ंगरे अंधाय दोहोना हाँयग होड़ अरू राःतिडीगखनकू होंबरेया, “भगवानमे मान मरजइत। अले दोले सुसुदीतना हाँयग होड़ कसूर होड़ हवे।”

एहुना 9:24 Σταυροειδείς Αναφορές

मरकूस 15:27

हाँय सुदा बार होड़ इनिग होड़किन बनर गतरकिन दोहोना, मी होड़ खउना गतर अरू मी होड़ डिरही गतर कुरूसरेकू ठोंकावगोतेडकिन।

लूका 15:2

दो फरीसी होड़कू अरू नियम चेडदार होड़कू जहड़-बेडेग घड़ीनकू कताया, नाँय दो कसूर होड़कू सुदाय जुमाःता अरू हँकू सुदाय जोमता, माःआन।

लूका 19:7

नाःआ ञेलवाडखन होड़कू ईसूराः बदीरे कुरबुराः घड़ीनकू कताया, “माँय कसूर होड़राः ओड़ाःरे गुतियाय सेनेकिया।”

लूका 7:39

ईसूय राःतेरा हाँयग फरीसी होड़ हना ञेलतेडखन अनँयग जीवरेय ओंगोलतेरा, नाँय दो कसूर अइमी हवे। ईसू सतायरे भगवानराः बड़रा कतायीग होड़ दोहोकुः दो सुदीगोडकेःआय करा इयायीग अइमी ईंग काटे टोँवावतना, माःआन।

एहुना 14:30

चउंदीसरीग राजा, कलउ वेगतना। हनालगा ईंग अपे एचेरे नाःआ इया मुरुक बेला वरी ओरोयिंग कतातेरा। हाँय ईंग एचेरे हातपातगे लगा ओरोय अवेतेरा।

एहुना 16:2

हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

एहुना 18:30

दो हँकू कतातेड, “नाँय कसूर होड़ मेरेय दोहोकुः दो अले आम एचेरे चिला लगाले अगूकेया?”

एहुना 19:6

मरंग पुजउरीकू अरू हातपात होड़कू ईसूकू ञेला दो हँकू मुरुक सटीतेकू कताया, “नाँय कुरूसरेम एचे ठोंकावगेय, कुनुरूसरेम एचे ठोंकावगोडेय।” मनदो पिलातूस कतातेरा, “ईंग नाँय एचेरे कहिसाः कसूर मेरिंग ञामगडा। हनालगा अँननपे गोःकिडिगखन कुरूसरेपे ठोंकावगेय।”

एहुना 5:23

नाःआते होड़कू अपातकू मान मरजइतता हनन इया बेटात होंकू मान मरजइतता। अरू बेटात मेरेय मान मरजइतगेयता हाँयग होड़, बेटाते वारकेरा हाँयग अपात हों मेरेय मान मरजइतगेयता।”

एहुना 8:46

तोनोंगीग ईंगराः कसूरपे एचे उदुः अवेयता जा? ईंग सतायिंग कतायतना दो चिला लगा अपे ईंग एचेरे मेरपे बिसवासगेतना?

एहुना 8:49

दो ईसू कता कुदातेड, “ईंग एचेरे भूत कोवाया। मनदो ईंग इनिंग अपांग भगवाननिंग मान मरजइतता अरू अपे ईंग मेरपे मान मरजइतगींगतना।

एहुना 9:16

फरीसी होड़कू अते अदोम होड़कू कताया, “हाँयग होड़ लोड़ोनराः दिन मेरेय मनाःता। हनालगा हाँय भगवानरीग होड़ ना लवे।” मनदो एटाः होड़कू होंबोरतेरा, “कसूर होड़ करा उड़ी नाःआ इया बयाव जुवाः इयाःआ बुताय एचे अवेय?” नाःआ इया हँकू अड़ा-चउकीयान।

एहुना 9:25

दो हाँय कता कुदातेरा, “हाँय कसूर होड़ हवे जा ना लवे, हना ईंग मेरिंग सुदीयतना। ईंग नाःआयिंग सुदीतना, ईंग मड़ंग मेरिंग ञेञेला, मनदो नुँहूयिंग ञेञेलतना।”

रूमी 8:3

दो अबू मोसेसराः नियमकून जमालेःआ मनाः लगाबू कुरनिसगे। हनते हों अबूराः कसूर लूर-नेवन मेर टुटीगगुःता। मनदो भगवान अबूय सडाव अवेता। हनालगा जमा होड़कूराः कसूर बराव एंडागे लगा, हाँय अनँयगरीग मिनी होड़ बेटात ईसू मसी, कसूरतो मनुवाराः सुरइत मुरइतरे, नाःआ चउंदीसरेय वारगोतेडीग। हनते हाँय जमाकूराः कसूर लगा डंडियावतेडखन ईसूय एचे बलिदानगोतेडीग।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

उदुःतो कताकून 11:13

हननमेला ओत मुरुक डोलावनेना अरू हना मरंग सहरराः दस बंटा अते मी बंटा वाः बोलोयान। अरू हना बिपइतरे सात हजार होड़कू गोएगयान। बनसावनेना हँकुःआ होड़कू बोरोयान अरू सेरमो देसरीग भगवानकू जागतेरा।