एहुना 9:16 - Korwa Bible

¹⁶ फरीसी होड़कू अते अदोम होड़कू कताया, “हाँयग होड़ लोड़ोनराः दिन मेरेय मनाःता। हनालगा हाँय भगवानरीग होड़ ना लवे।” मनदो एटाः होड़कू होंबोरतेरा, “कसूर होड़ करा उड़ी नाःआ इया बयाव जुवाः इयाःआ बुताय एचे अवेय?” नाःआ इया हँकू अड़ा-चउकीयान।

एहुना 9:16 Σταυροειδείς Αναφορές

मती ओजाःतेरा भगवानराः नपाय सरवन 12:10

हंडा मी होड़ होड़ दोहोना। हाँयराः तिःई कोकोड़ावतो दोहोना। दो फरीसी होड़कू ईसू बदीगेय लगाकू ञामा अरूकू होंबोरतिरिया, “अबूराः नियम इया तोनोंगीग होड़ लोड़ोनराः दिनरे एटाः होड़े नपाय अवेयता जा?”

मती ओजाःतेरा भगवानराः नपाय सरवन 12:2

मनदो हना ञेलकेडखन फरीसी होड़कू ईसू एचेरेकू कताया, “ञेलमे, आमरिकुःआ चेलाकू, अबूराः नियम इया लोड़ोनराः दिनरे मेरबू एचेता, हनाकू एचेयतना।”

लूका 13:14

ईसू लोड़ोनराः दिनरे हसूतेय नपायतिरिया। हनालगा अरजी ओड़ाःरीग हातपात होड़ रीसनेनखन होड़कू एचेरेय कताया, “बुता लगा हपतारे छो दिन इदा। हनामिन दिनरे वेगकियानखन हसूतेपे एचे नपायगुः। मनदो लोड़ोनराः दिनरे अलो।”

एहुना 10:19

नाःआ कता अयूमतेडखन एहूदाकू अरूकू हिगार हटिंगयान।

एहुना 14:11

ईंग अपांग सुदा मिनी इदानिंगा अरू अपांग ईंग सुदा मिनी इदानिया, हना कता अपे बिसवासगे। नाःआ कतारे मेरपे बिसवासगेतान दो, ईंग एचेयतना हना बयाव जुवाः इयाःआ बुतारेपे बिसवासगे।

एहुना 15:24

तोनोंगीग होड़ नुँहू वरी मेरेय एचेगरा हना बुता ईंग हँकू तलारे मेरिंग एचेकेः दो, हँकू एचेरे कसूरराः बोझा ओरो होयाकुःआ। मनदो हँकू ईंग अरू ईंगराः बुताकू ञेलकेरा अरू ईंग अरू ईंग अपांग बनरकू हिनइस-बिनइसवारा।

एहुना 2:11

गलील छतरराः काना सहररे ईसू आँयगराः मड़ंगाः बयाव जुवाः इयाःआ बुता एचेतेडखन मान मरजइतगेयीग माःआने एचे उदुःनेना अरू आँयगरिकुःआ चेलाकू हाँय एचेरेकू बिसवासतेरा।

एहुना 3:2

दो हाँय मी दिन, रइत मेला ईसू एचेरे सेनेडखने कताया, “ने गुरुजी, भगवान आम सुदा मेरेय दोहोकुः दो, आम एचेयता हना बयाव जुवाः इयाःआ बुता तोनोंगीग ओरोय एचे अवेतेरा। हनालगा अले सुसुदीतना आम भगवान अगीते अले चेडले लगाम वेगकिया।”

एहुना 5:10

अरू एहूदाकू नपायनेना हाँयग होड़ एचेरेकू कताया, “तिसिंग दो लोड़ोनराः दिन हवे। अबूराः नियम इया तिसिंग पटिया रेम कोवानेःआ।”

एहुना 5:36

“बुता पुरावगे लगा अपांग ईंग एचेरेय जिमाःतेरा अरू नुँहूयिंग एचेयतना, हना बुता पुरावगे लगा अपांग ईंगे वारकेरा। नाःआ ईंग बदीरे हिदइत इया दोहोनता अरू एहुनाराः हिदइत अते मरंग इदा।

एहुना 6:52

हनते एहूदाकू अँननकू अँकू अड़ा-चउकीनेनखनकू कताया, “नाँयग होड़ अनँयग मास करा उड़ी अबू जोम लगाय एमेयता?”

एहुना 7:12

होड़कू ईसू बदीरे जहड़ घड़ीन मुरुककू कताया। अदोमकू कताया, “हाँय नपाय होड़ हवे।” अरू अदोमकू कताया, “हाँय होड़कूय बहकावगोडता।”

एहुना 7:23

मी होड़ लँइग लोड़ोनराः दिनरेपे खतनायता होले भगवानराः नियम मेर टड़ाःता। मनदो ईंग मी होड़ होड़ लोड़ोनराः दिनरे जमा इयायिंग नपायगेयता दो अपे चिला लगा ईंग एचेरेपे रिसुःता?

एहुना 7:43

नाःआ इया होड़कू हिगार हटिंगयानकू।

एहुना 9:24

हनते हँकू मड़ंगरे अंधाय दोहोना हाँयग होड़ अरू राःतिडीगखनकू होंबरेया, “भगवानमे मान मरजइत। अले दोले सुसुदीतना हाँयग होड़ कसूर होड़ हवे।”

मूक चेलाकू 14:4

मनदो हना सहररिकुःआ होड़कू बार बंटाकू बेगरावयान, अदोमकू एहूदाकू सुदा अरू अदोमकू ईसूरिकिनाः मूक चेलाकिन सुदा।