एहुना 8:40 - Korwa Bible

⁴⁰ ईंग भगवान अते अयूमकेडखन सताय कता अपे एचेरेयिंग उदुःतेरा। मनदो अपे नुँहू ईंग ञेड एंडागींग लगापे ओंगलेतना। हना इया इबराहीम मेरेय एचेगाड।

एहुना 8:40 Σταυροειδείς Αναφορές

एहुना 7:1

हना तयोमरे ईसू गलील छतरराः एटाः गाँव सहरकूनरेय दँड़ा सेना। एहूदा होड़कूरिकुःआ मूक होड़कू ईसू ञेड एंडा लगाकू ओंगलेःआ। हनालगा हाँय एहूदिया छतर सेन लगा मेरेय चहाःआ।

एहुना 8:26

अपे बदीरे मुरुक कताय लगा अरू फड़ियावगे लगा इदा। मनदो ईंगे वारकेरा हाँय सताय इदानिया अरू ईंग हाँय अतेयिंग अयूमकेरा हनानाः कताकून चउंदीसरिकुःआ होड़कू एचेरेयिंग कतायतना।”

एहुना 8:56

अपेरीग खुटिपहार होड़ इबराहीम ईंग चउंदीसरेयिंग वेगता हना दिन ञेल लगा असरा दोहोकेडखन बहालतेय दोहोना। अरू हाँय हनाय ञेलतेरा अरूय अहाल बहालयान।”

रूमी 4:12

अरू खतनानेन अते मड़ंग इबराहीम भगवान एचेरेय बिसवासतेरा। हनन इया खतनात होड़कू होंकू भगवान एचेरेकू बिसवासगेता दो हँकू हों हाँयरिकुःआ नइड़-बाँस होड़कूकू बड़ाँव जुवाःता।

गलातिया 4:16

ईंग अपे एचेरे सतायिंग कता उदुःगोड ञवना, दो ईंग अपेरीग मुदइ होड़िंग बड़ाँवयना जा?

गलातिया 4:29

होड़राः ओंगोलतेय जनमावनेना हाँयग लँइग भगवानराः बिरुवातेय जनमावनेना हाँयग लँइगे संतावतेरा। ननन इया नुँहू हों होयाःतना।

उदुःतो कताकून 12:17

हना अते लाल मरंग बींग हाँयग अइमी सुदा मुरुके रीस भीकयान, अरू हाँयग बींग भगवानराः हुकुमकू मनाःता हाँयग अइमीरिकुःआ एटाः लइंकू एचेरे, अरू ईसूराः सताय कताकू मनावगोड ञवनतना, हँकू एचेरे लड़ाइ लगा तोराया।

उदुःतो कताकून 12:4

सेरमोरिकुःआ इपीलकू पेय बंटारे मी बंटा हाँयग लाल मरंग बींग अनँयगराः चड़रोमते ओतरेय झंटाव लोजोरगोतेडकू। हनते हाँयग लाल मरंग बींग हाँयग अइमीरीग लँइग जनमावगुः मेला ऊडगेय लगा अइमी मड़ंगरेय चड़ाँयान।