एहुना 8:33 - Korwa Bible

³³ हनते हँकू कतातेड, “अले इबराहीमरिकुःआ नइड़-बाँसकू इदानलेःआ अरू अले तोनोंगीगरीग बेगारी होड़ मेरले बड़ाँवगान। दो आम करा इयाम कतायतना, अपे अजइत जुवाःतापे, माःआन?”

एहुना 8:33 Σταυροειδείς Αναφορές

मती ओजाःतेरा भगवानराः नपाय सरवन 3:9

अपे अहापे ओंगोलगे, इबराहीम अलेरीग खुटिपहार होड़ हवे, अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

लूका 3:8

सींग दूब नपाय जोःओ जोःता, हना इया कसूर अते जीव कुदाकेडखन अपे नपाय जीवपे जियाः। अपे अहापे कताय, इबराहीम अलेरीग खुटिपहार होड़ हवे अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

एहुना 19:25

ईसू कुरूसरे ठोंकावतोय दोहोना, हंडा हाँयरीग एंगात अरू इहड़ोएंगतो, कोलोपासरीग एंगातुकू मरियम अरू मगदलियायिन मरियम, नँकुःआ जमाकू हंडा चड़ाँतकू दोहोना।

एहुना 8:37

ईंग सुदीयतना अपे इबराहीमरिकुःआ नइड़-बाँस होड़कू इदानपेःआ। मनदो ईंगराः कता अपे मेरपे मनेवातना। हनालगा अपे ईंग ञेड एंडागींग लगापे ओंगलेतना।

एहुना 8:39

दो हँकू हाँय एचेरेकू कता कुदातेरा, “अले इबराहीमरिकुःआ नइड़-बाँस होड़कू इदानलेःआ।” दो ईसू कतातेड, “अपे इबराहीमरिकुःआ नइड़-बाँसपे दोहोकुः दो इबराहीम एचेया हनन इया अपे होँपे एचेकेःआ।

एहुना 8:43

अपे ईंगराः कता मेरपे अयुमेता। हनालगा ईंगराः कता अपे मेरपे बुझाव अवेनता।

रूमी 9:7

अरू हँकू इबराहीमरिकुःआ नइड़-बाँस होड़कू होयाकियान अते सतायरे हाँयरिकुःआ लइंकू ओरोकू बड़ाँवनेना। इबराहीमरिकुःआ मुरुक बगरा लइंकू दोहोना, मनदो भगवान हाँय एचेरेय कतातेरा, “आमरीग बेटा इनिसहाकते आमरिकुःआ नइड़-बाँस होड़कू बड़ाँःता।”