एहुना 8:26 - Korwa Bible

²⁶ अपे बदीरे मुरुक कताय लगा अरू फड़ियावगे लगा इदा। मनदो ईंगे वारकेरा हाँय सताय इदानिया अरू ईंग हाँय अतेयिंग अयूमकेरा हनानाः कताकून चउंदीसरिकुःआ होड़कू एचेरेयिंग कतायतना।”

एहुना 8:26 Σταυροειδείς Αναφορές

एहुना 15:15

तोनोंगीग बेगारी होड़ आँयगरीग मालिकराः ओंगोल मेरेय सुदीयता। हनालगा ईंग अपे नुँहू वरीते बेगारी होड़कू माःआन ओरोयिंग कतावातेडपेःआ। ईंग अपांग एचेरेयिंग अयूमकेरा, हना जमा कताकून अपेयिंग कता उदुःवाडपेःआ। हनालगा ईंग अपे ईंगरिकुःआ सउंगताकू माःआनिंग कतावापेता।

एहुना 16:12

अपे एचेरे ईंगके अरू मुरुक बड़रा ककाता इदा। मनदो नुँहू हना कता अपे ओरोपे ओंगोल बुझाव अवेनेना।

एहुना 17:8

आम ईंगमे कता उदुःवातेरा हना सरवन ईंग हँकूयिंग कता उदुःवातेडकुःआ। हना हँकू मनेवाडखन आम ईंगमे वारतेरा हनाकू बिसवासकेरा। ईंग आम अगीतेयिंग वेगकिया, हना कताकू सुनुदीबाःगोतेडा।

एहुना 18:20

ईसू हाँय एचेरेय कतातेरा, “ईंग जमा होड़कू मड़ंगरेयिंग कता उदुःतेरा। एहूदाकू जुमाःता हना अरजी ओड़ाःकूनरे अरू भगवानराः ओड़ाःरेयिंग कता उदुःतेरा अरू ओकोकियानखन तोनोंग इया मेरिंग कतागरा।

एहुना 3:11

आम ईंगमे अयूम, अले सुदीयतना हनाले कतायतना अरू अले अयूमकेरा हनाले उदुःतना। मनदो अपे अलेराः कता मेरपे मनाःता।

एहुना 7:16

हनते ईसू हँकू एचेरेय कतातेड, “ईंग इनिंग ओंगोलते मेरिंग चेडकूता, मनदो ईंगे वारकेरा हाँयराः ओंगोल इयायिंग चेडकूतना।

एहुना 7:28

हनते ईसू भगवानराः ओड़ाःरे चेचेड मेला मुरुक सटीय कताया, “अपे ईंगपे सुदीयिंगतना अरू ईंग करा अगीतेयिंग वेगकिया हना होँपे सुसुदीतना। ईंग इनिंगते मेरिंग वेगगना। ईंगे वारकेरा हाँय सताय इदानिया अरू अपे हाँय मेरपे सुदीयतना,

एहुना 8:25

दो हँकू हाँय एचेरेकू होंबोरतेड, “आम इये हवे?” दो ईसू कतातेड, “ईंग मड़ंग वरीते अपे एचेरेयिंग कता अगूयतना, हना नुँहू होयिंग कतायतना।

एहुना 8:27

ईसू आँयग अपांग बदीरेय कताया, हना कता हँकू मेरकू बुझाव अवेगान।

एहुना 8:40

ईंग भगवान अते अयूमकेडखन सताय कता अपे एचेरेयिंग उदुःतेरा। मनदो अपे नुँहू ईंग ञेड एंडागींग लगापे ओंगलेतना। हना इया इबराहीम मेरेय एचेगाड।

2 कुरिंती 1:18

भनगवान बिसवासगेयीग इदानिया। हनन इया अलिंगराः सरवन हों सनाताय इदा।