एहुना 7:1 - Korwa Bible

¹ हना तयोमरे ईसू गलील छतरराः एटाः गाँव सहरकूनरेय दँड़ा सेना। एहूदा होड़कूरिकुःआ मूक होड़कू ईसू ञेड एंडा लगाकू ओंगलेःआ। हनालगा हाँय एहूदिया छतर सेन लगा मेरेय चहाःआ।

एहुना 7:1 Σταυροειδείς Αναφορές

मती ओजाःतेरा भगवानराः नपाय सरवन 10:23

अपे दोहोनता हना सहररे होड़कू अपेकू संतावपे दो, हना सहर अते एटाः सहर अगीपे ञीर जुवाः। अपे ईंगपे अयूम, अपे इसराएलराः जमा सहरकूनरे अरीनपे दँड़ा पुरावगे अते मड़ंग, मनुवारीग बेटात वेग जुवाःता।

मती ओजाःतेरा भगवानराः नपाय सरवन 21:38

मनदो हँकुःआ अधियादारकू बेटात ञेलतेडखनकू कता होड़ेंगा, ननाँय हवे नाःआ बगइचारीग इताडदार। दबूपे, नाँयबू ञेड एंडाय अरू नाँयराः इताड अबू गोःयाता।

मरकूस 11:18

ईसूराः चेड अयूम घड़ीन जमा होड़कू बयाव जुवाःआ। हनालगा मूक पुजउरीकू अरू नियम चेडदार होड़कू ईसू मुरुककू बोरोवाया अरू हाँय ञेड एंडागेय लगा हाँयराः कसूरकू ञामा।

एहुना 1:19

एरुसलेमरिकुःआ एहूदाकू बतिसमा एमेयीग होड़ एहुना एचेरे भगवानराः ओड़ाःरिकुःआ पुजउरी होड़कू अरू लेवी होड़कूकू वारगोतेडकू अरूकू एचे होंबरतिडिया, आम इये हवे, माःआन।

एहुना 4:3

हनते ईसू एहूदिया छतर अड़ाःतेडखन गलील छतररेय कुदायान।

एहुना 4:54

ईसू एहूदिया छतर अते गलील छतररे वेगनेनखने एचेतेरा हना बयाव जुवाः इयाःआ बुताकून अते नाःआ बुता बार नमारराः दोहोना।

एहुना 6:1

तोनोंग दिन तयोमरे ईसू अरू आँयगरिकुःआ चेलाकू गलील छतर तोराकू। हना ततेरते हँकू गलील ञावराः हुडिंग समुंदरराः मार परोम तोराकू। (हना हुडिंग समुंदरराः एटाः ञाव दोहोना तिबिरियास।)

एहुना 7:11

एहूदाकूरिकुःआ मूक होड़कू ईसूकू ञामा अरूकू होंबरेःआ, “हाँय करे इदानिया?”

एहुना 7:13

मनदो एहूदा मूक होड़कूराः बोतोरते तोनोंगीग होड़ हाँय बदीरे हुमइसके मेरकू बड़राःआ।

एहुना 7:19

मोसेस अपे लगा भगवानराः नियमे एनेमेकेरा। मनदो अपे अते तोनोंगीग हना नियम इया मेरपे सलाःतना। दो अपे चिला लगा ईंग जाः घड़ीन ञेड एंडायिंग लगापे ओंगलेतना?”

एहुना 7:25

हनते एरुसलेमरिकुःआ होड़कू अते अदोम होड़कू होंबोरतेरा, “ञेड एंडाय लगाकू ओंगलेतना हाँयग होड़ ननाँय हवे जा?

एहुना 7:35

नाःआ अयूमतेडखन एहूदाकूरिकुःआ मूक होड़कू कता होड़ेंगा, “नाँय ओरोबू ञाम अवेतिरिया इया नाँय कराय सेनता? नाँय बेगर एहूदाकू तलारे सितिर-बितिरयनाकू हँकुःआ एहूदाकू एचेरे सेनेकियानखन बेगर एहूदाकू होंय चेडता जा?

एहुना 8:37

ईंग सुदीयतना अपे इबराहीमरिकुःआ नइड़-बाँस होड़कू इदानपेःआ। मनदो ईंगराः कता अपे मेरपे मनेवातना। हनालगा अपे ईंग ञेड एंडागींग लगापे ओंगलेतना।

एहुना 8:40

ईंग भगवान अते अयूमकेडखन सताय कता अपे एचेरेयिंग उदुःतेरा। मनदो अपे नुँहू ईंग ञेड एंडागींग लगापे ओंगलेतना। हना इया इबराहीम मेरेय एचेगाड।

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।