एहुना 6:7 - Korwa Bible

⁷ पिलिपूस कता कुदातेरा, “मी होड़ होड़राः आठ महिनाःआ मंजूरी हों नाःआमिन होड़कू जोम लगा मेमेड कउड़ा हों ओरो पुरावनेना।”

एहुना 6:7 Σταυροειδείς Αναφορές

मती ओजाःतेरा भगवानराः नपाय सरवन 18:28

हनते हाँयग सेवकिया हना ओड़ाः अतेय उडुंगनेन दो हाँय अनँयगरीग संग सेवकिया सुदाय जुमावनेना। आँयग संग सेवकिया हाँय अते मी सव चाँदी रिचकीराः रीने गोःतेरा। दो हाँयग सेवकिया होड़ अनँयगरीग संग सेवकियाराः होटोःतोय होड़रेगतेरा अरूय कतावातिरिया, आम ईंग अतेम गोःतेरा हना रीन एमे कुदावायिंगमे।

मरकूस 6:37

हनते ईसू कतातेड, “अँननपे नँकू जोम लगापे ओवाकू।” दो हँकू कतातेड, “नाःआ मिनकुःआ होड़कू जोम लगा मी होड़राः आठ महिनाराः बुता बनीराः ढिबुवा लगाःता। दो अले चिलातेले किजावाकुःआ अरू जोजोम लगाले ओवाकू?”

एहुना 1:43

एटाः दिन ईसू गलील छतर अगी सेन लगाय ओंगोल दोहोतेरा। दो हंडा सोदोरनेनखन पिलिपूस सुदाय जुमावनेना अरूय कतातेरा, “आम ईंगरीग चेलाम बड़ाँः।”

एहुना 1:44

अंदरियास अरू पतरस बेतसइदा सहररिकिनाः दोहोना अरू पिलिपूस हों हनंडायीग दोहोना।

एहुना 1:45

दो पिलिपूस, नतनएल सुदा जुमावनेनखन हाँय एचेरेय कतातेरा, “भगवानराः नियम कागदरे मोसेस अरू भगवानराः बड़रा कता होड़कू इये बदीरेकू ओजाःतेरा, हाँयग होड़ सुदाले जुमावनेना। अरू हनाँय हवे नसरत सहररीग उसूपरीग बेटात ईसू।”

एहुना 1:46

दो नतनएल हाँय एचेरेय होंबोरतेरा, “नसरत सहर अते नाःआ इया करा उड़ी होया अवेनता?” दो पिलिपूस हाँय एचेरेय कताया, “सेनेकियानखनमे ञेल।”

एहुना 1:48

नतनएल हाँय एचेरेय कतातेरा, “आम ईंग करा उड़ीम सुदींगता?” दो ईसू हाँय एचेरेय कता कुदातेरा, “पिलिपूस आमे राः अते मड़ंग, आम लुवा दूब पेंदारेम दुड़ुःकुःआ हनमेला आमिंग ञेलतेरा।”

एहुना 12:5

“नाःआ सुनुम पेय सव दिनारते अकिरिंगकेडखन गरीब होड़कू एमेगोडवाकेकुःआ।”