एहुना 5:39 - Korwa Bible

³⁹ अपे भगवानराः कागदते तिंगीड घड़ीन चिडुः लगापे कुरनिसगेतना। नाःआ अते अपे ओंगलेता, ननते अले ओरो टुटीगनेना हना जीवले पवाव जुवाःता, माःआन अरू ननानाः कागद ईंग बदीरे हिदइत एमेयता।

एहुना 5:39 Σταυροειδείς Αναφορές

मती ओजाःतेरा भगवानराः नपाय सरवन 22:29

दो ईसू सदूकी होड़कूय कता कुदावातेरा, “अपे भगवानराः सरवन अरू हाँयराः जंगर मेरपे बुझाः अते अपे गारबाररे इदानपेःआ।

मरकूस 10:3

दो हाँय कतातेड, “भगवानराः कागदरे नाःआ कता बदीरे मोसेस चेले माःआने ओजाःकेरा?”

मरकूस 12:10

अपे भगवानराः कागदरे नाःआ कता मेरपे बछावगना जा, ओड़ाः तुला मिसतिरीकू ओरो बड़ाँवनेना, माःआनतेकू चलाः एंडातेरा, हनानाः दिरि जमा दिरिकून अते ननपाय दिरि होयानेना?

लूका 16:29

दो इबराहीम हाँय एचेरेय कतातेरा, हँकू लगा मोसेस अरू भगवानराः बड़रा कता होड़कूराः सरवन इदा। हना हँकूके अअयूम इदा।

लूका 16:31

इबराहीम हाँय एचेरेय कताया, मोसेस अरू भगवानराः बड़रा कता होड़कूराः सरवन हँकू मेरकू मनाः दो गोएगतो होड़कू अते तोनोंगीग जियाव रिमुः हों हँकू कसूर अते जीव ओनोरोकू कुदातेरा।”

लूका 24:25

दो ईसू हँकिन एचेरेय कताया, “ने बोको होड़किन, भगवानराः बड़रा कता होड़कू कताया हना जमा बड़रा अबा गते-गातबा बिसवासगेतना जा?

लूका 24:27

हनते भगवानराः कागदरे मोसेस अरू एटाः जमा भगवानराः बड़रा कता होड़कू ओजाःकेरा हनाते अनँयग बदीरे ओजाःतो दोहोना हना जमा ईसू हँकिने कता समझावतेडकिना।

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

एहुना 1:45

दो पिलिपूस, नतनएल सुदा जुमावनेनखन हाँय एचेरेय कतातेरा, “भगवानराः नियम कागदरे मोसेस अरू भगवानराः बड़रा कता होड़कू इये बदीरेकू ओजाःतेरा, हाँयग होड़ सुदाले जुमावनेना। अरू हनाँय हवे नसरत सहररीग उसूपरीग बेटात ईसू।”

एहुना 5:32

मनदो एटाः होड़ ईंग बदीरे हिदइते एमेयतना अरू ईंग सुसुदीतना ईंग बदीरे हाँयराः हिदइत सताय हवे।”

एहुना 5:36

“बुता पुरावगे लगा अपांग ईंग एचेरेय जिमाःतेरा अरू नुँहूयिंग एचेयतना, हना बुता पुरावगे लगा अपांग ईंगे वारकेरा। नाःआ ईंग बदीरे हिदइत इया दोहोनता अरू एहुनाराः हिदइत अते मरंग इदा।

एहुना 5:40

हनारे हों अपे ओरो टुटीगनेना हना जीव पवाः लगा ईंग एचेरे वेग लगा मेरपे चहाःता।”

एहुना 5:46

मोसेस ईंग बदीरेय ओजाःतेरा अरू अपे हाँय एचेरेपे बिसवासकेः दो, ईंग एचेरे होँपे बिसवासकेःआ।

एहुना 7:52

दो हँकू डंटावतिडिगखनकू कतातेरा, “आम हों गलील छतररीग हवे जा? आम भगवानराः कगदरेम ञाम अरूम सुदीगोडता तोनोंगीग भगवानराः बड़रा कता होड़ गलील छतर अते मेरेय वेगता, माःआन।”

मूक चेलाकू 13:27

अरू एरुसलेमरेकू दोहोना हँकुःआ होड़कू अरू अँकूरिकुःआ मूक होड़कू ईसू, मसी हवे माःआन, मेरकू मनेवागडीग, अरू हँकू हाँयकू डंडियावतेरा दो, हँकू अरजी ओड़ाःरे लोड़ोनराः दिनरेकू बछाःता भगवानराः बड़रा कता होड़कूराः कताकू पूरावगोतेड।

मूक चेलाकू 17:11

बिरिया सहररिकुःआ होड़कू तिसलूनिका सहररिकुःआ होड़कू अते नपाय होड़कूकू दोहोना। नँकुःआ होड़कू भगवानराः सरवन मिनी जीवतेकू अयुमेःआ अरू सगर दिन भगवानराः कागद अते पउलूस कतातेरा हना कता सताय हवे जा कोवान, हनाकू जासतेरा।

मूक चेलाकू 26:27

ने अगरिपा राजा, आम भगवानराः बड़रा कता होड़कू एचेरेम बिसवासगेतना जा? हाव! ईंग सुनुदीयतना आम बिसवासगेता।”

रूमी 1:2

नाःआ नपाय सरवन भगवानराः बड़रा कता होड़कूते भगवान आँयगराः कागदरे मनाडंगरेय जबानतेरा।

रूमी 3:2

मनदो ईंग कतायतना, सतायरे एहूदा होड़ बड़ाँः अते मुरुक नफा इदा। मइद कता नाःआ हवे, भगवानराः सरवन मनाड़ंगरे अपे अयूमतेरा।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

इबरानी 11:16

मनदो हँकूराः जीव हना अते हों मुरुक नाय नपाय देस, मने, सेरमो देस लगा टक-टक दोहोना। हनालगा भगवान हँकुःआ होड़कूरीग भगवान हवे माःआन एचे कतान लगा मेरेय गियुःता। अरू भगवान हँकू लगा मीटोंग सहरे संजोड़ दोहोकेरा।

इबरानी 11:35

बिनिसवासते अइमीकू अँननकूरिकुःआ गोएगतो होड़कू जीयतकू पवावनेना। तोनोंग तोनोंग होड़कू मउर तेला तेलाकू गोएगयान। हँकू गोएगतो अते जियाव रेमकियानखन नाय नपाय जीव पवाः लगाकू चहाःआ अरू हनालगा गुजुः लगा सनपड़ावतोकू दोहोना।

उदुःतो कताकून 19:10

हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”