एहुना 4:53 - Korwa Bible

⁵³ हनते हाँयग अपात सुदीगोतेडे, ईसू कतातेरा, आम बेटाम जियाव जुवाःताय, माःआन हनन मेलाय नपायनेना। हनानाः तयोमरे हाँय अरू आँयग ओड़ाःरिकुःआ जमा होड़कू ईसू एचेरेकू बिसवासतेरा।

एहुना 4:53 Σταυροειδείς Αναφορές

मती ओजाःतेरा भगवानराः नपाय सरवन 8:13

हनते ईसू हाँयग हातपात होड़ एचेरेय कताया, “आम ओड़ाःमे सलाव जुवाः। आम बिसवासकेरा हनन इया होया जुवाः।” अरू हाँयगरीग सेवकिया होड़ हनन मेलाय नपाययान।

लूका 19:9

दो ईसू हाँय बदीरेय कताया, “नाँय हों इबराहीमरिकुःआ नइड़-बाँस होड़कूरीग बेटा हवे। हनालगा तिसिंग भगवान नाँय अरू नाँय ओड़ाःरिकुःआ होड़कूय सडावकेरा।

एहुना 4:51

दो हाँय ओड़ाः सेनेन सेन मेला, दूररे आँयगरिकुःआ सेवकिया होड़कू सुदाय जुमावनेना अरू हँकू कतातेड, “ने साहेब, आम बेटाम नपाययनाय।”

एहुना 4:52

दो हाँय हँकू एचेरेय होंबोरतेड, “हाँय तुमिन बेलाय नपायनेना?” दो हँकू हाँय एचेरेकू कतातेड, “होला बेर ढड़काः मेला हाँय जार अड़ाःकिडिया।”

मूक चेलाकू 11:14

हाँय अपे मीटोंग सरवने कता उदुःवापेता अरू आम अरू आम ओड़ाःरिकुःआ जमा होड़कू सडाव जुवाःता।

मूक चेलाकू 16:15

हनते हाँय अरू आँयग ओड़ाःरिकुःआ जमा होड़कू हाँय सुदा बतिसमाकू गोःतेरा। अरू हाँय अलेय नेत-नेवारतेडखने कताया, “अपे ईंग मी होड़ बिसवासी होड़ माःआनपे ओंगलेयिंगतना दो, ईंग ओड़ाःरे गुतियापे वेग।” अरू अले हाँय ओड़ाः अरीनले सेन वरी हाँय रेनहातेडलेःआ।

मूक चेलाकू 16:34

हनते हाँयग अगुरा होड़ हँकिन आँयग ओड़ाःरेय गोःतेडकिनखन जोम लगाय एमेवातेडकिना। हाँय आँयग ओड़ाःरिकुःआ जमा होड़कू सुदा भगवान एचेरेकू बिसवासतेरा। हनालगा हाँय अरू आँयगराः ओड़ाःरिकुःआ जमा होड़कूराः जीव मुरुक बहालयान।

मूक चेलाकू 18:8

अरजी ओड़ाःरीग हातपात होड़ किरिसपूस आँयग ओड़ाःरिकुःआ जमा होड़कू सुदा परबू ईसू एचेरेकू बिसवासतेरा। कुरिंतीरिकुःआ मुरुक बगरा होड़कू, पउलूसराः परसारकू अयूमतेरा हँकुःआ होड़कू हों परबू ईसू एचेरे बिसवासतेडखन बतिसमाकू गोःतेरा।

मूक चेलाकू 2:39

नाःआ जबान अपे लगा अरू अपेरिकुःआ लइंकू लगा अरू लंकारे इदानकुःआ हँकुःआ होड़कू लगा, अबूरीग परबू भगवान राःकूता हँकुःआ जमा होड़कू लगा इदा।”