एहुना 4:46 - Korwa Bible

⁴⁶ दाः अंगूरराः रसे तुलातेरा हनानाः गलील छतरराः काना सहररे ईसू अरूय सेनेडा। अरू कपरनहूम सहररे मी होड़ हातपात होड़रीग बेटात बेमारीरेय दोहोना।

एहुना 4:46 Σταυροειδείς Αναφορές

मती ओजाःतेरा भगवानराः नपाय सरवन 15:22

दो हना छतररीग मी होड़ कनानी जइत अइमी, ईसू एचेरेय वेजेडा अरू मुरुक सटीते खिररी घड़ीने कताया, “ने परबू, दाऊद राजारीग नइड़-बाँस होड़, ईंगमे मयावा। भूत ईंग बिटी मुरुके संतावगेयतना।”

मती ओजाःतेरा भगवानराः नपाय सरवन 4:13

तोनोंग दिन तयोमरे ईसू नसरत सहर अते उडुंगनेनखन, जबुलून अरू नपताली गोतोररिकुःआ होड़कू दोहोना हना छतरराः, हुडिंग समुंदरते धरीराः कपरनहूम सहर सेनेडखन हंडाय दोहोना।

मती ओजाःतेरा भगवानराः नपाय सरवन 9:18

नाःआ कता ईसू बनाड़रा बड़रा मेला मी होड़ अरजी ओड़ाःरीग हातपात होड़ हंडाय वेजेडा। हाँय ईसू काटतरे उकुड़ोमवाडखने कतातेड, “ईंगरीग बिटींग नुँनुँहूय गोएगयना। मनदो आम वेगकियानखन हाँय चोटरे तिःईम मंडाव दो हाँय जियाव जुवाःताय।”

लूका 4:23

हाँय हँकू एचेरेय कतातेड, “जूग परियारेकू कताया हना कता अपे ईंग बदीरेपे कनातायता, ने जिड़ीदार, आम अनम नपायगुः। अरू अपे नाःआ इया होँपे कतायता, आम कपरनहूम सहररेम एचेतेरा हना इया नपाय बुता आम गाँवरे होंम एचेय।”

लूका 7:2

दो हंडा रूमी देसरीग मी सव सइनाकूरीग हातपात होड़ दोहोना। हाँयरीग मी होड़ बेगारी होड़ दोहोना अरू हाँय मुरुके मंजूरवाया। हाँय मुरुक बेमारीते गुजुः इयाय दोहोना।

एहुना 2:12

हना तयोमते ईसू आँयग एंगात, बोपोहकू अरू चेलाकू सुदा कपरनहूम सहर तोराकू। अरू हँकू हंडा तोनोंग दिन वरीकू दोहोना।

एहुना 21:2

सिमोन पतरस, दिदिमूस माःआनकू कतावाया हाँयग तोमा, गलील छतरराः काना सहररीग नतनएल, जबदीरिकिनाः बेटाकिन, अरू बार होड़ एटाः चेलाकिन हों मिनीरेकू जुमावनेना।