एहुना 4:41 - Korwa Bible

⁴¹ ईसूराः कता अयूमकेडखन अरू बगरा होड़कू हाँय एचेरेकू बिसवासतेरा।

एहुना 4:41 Σταυροειδείς Αναφορές

लूका 4:32

ईसू हातपात पवावतो होड़ इयाय चेडकुःआ अरू हँकुःआ होड़कू हाँयराः बड़रा अयूमवाडखनकू बयावयान।

एहुना 4:40

समरिया छतररिकुःआ होड़कू ईसू एचेरे वेगवाडखन हँकू सुदा दोहोन लगा हाँय एचेरेकू असेतेरा। अरू ईसू हँकू सुदा बार दिने दोहोनेना।

एहुना 4:42

हनते हँकुःआ होड़कू हाँयग अइमी एचेरेकू कतातेरा, “आम अले एचेरेम कतातेरा हना एकलाते मेरले बिसवासगेतना। नुँहू अले अँननले अयूमतेरा अरू अँननले सुदीगोतेडा, सतायतोरे नाँयग होड़ चउंदीसरिकुःआ होड़कूरीग सडावदार हवे, माःआन।”

एहुना 6:63

भगवानराः सुद बिरुवा जीवे एमेता, मनदो मनुवाकू अते कहिसाः मेर होयाःता। ईंग कतातेरा हना सरवन भगवानराः सुद बिरुवा अगीतेयिंग कतातेरा अरू हनानाः कता अपे लगा जीव एमेयता।”

एहुना 7:46

दो हँकू कतातेड, “तोनोंगीग होड़ हाँयराः कता इया मेरकू कतागरा।”

मूक चेलाकू 1:8

मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”

मूक चेलाकू 15:3

कलसियारिकुःआ बिसवासी होड़कू हँकिनकू वारगोतेड। अरू हँकिन फिनिका छतर अरू समरिया छतर पारनेनखन एरुसलेम अगीकिन सेना अरू सेनेन दूरराः कलसियारिकुःआ बिसवासी होड़कू एचेरेकिन कता उदुःतेरा, बेगर एहूदाकू हों ईसू एचेरेकू बिसवासतेरा, माःआन। नाःआ कता अयूमकेडखन जमा बिसवासी होड़कू बहालयानकू।

मूक चेलाकू 8:12

मनदो पिलिप भगवानराः राइजराः नपाय सरवन अरू ईसू मसीराः ञाव बदीरेय परसारतेरा दो हँकुःआ जमा होड़कू, मरदकू अरू अइमीकू, हाँयराः कता बिसवासकेडखन बतिसमाकू गोःतेरा।

मूक चेलाकू 8:25

पतरस अरू एहुना हना छतररे भगवानराः सरवन कता उदुः लगा चबानेन दो हँकिन एरुसलेम अगीकिन कुदा सेनेडा। सेनेन सेन दूररे हँकिन ईसूराः नपाय सरवन समरिया छतरराः एटाः एटाः गाँवरेकिन परसार उदुःतेरा।

इबरानी 4:13

भगवान तुलाकेरा हना जमा सकालाः हाँय अते ओकोत कोवानेःआ। जमाकून हाँय मेडरे ञेल पुरुःता इया इदा, अरू हनाँय एचेरे अबूके आभा एएमे पराःता।