3 हनते ईसू एहूदिया छतर अड़ाःतेडखन गलील छतररेय कुदायान।
अपे दोहोनता हना सहररे होड़कू अपेकू संतावपे दो, हना सहर अते एटाः सहर अगीपे ञीर जुवाः। अपे ईंगपे अयूम, अपे इसराएलराः जमा सहरकूनरे अरीनपे दँड़ा पुरावगे अते मड़ंग, मनुवारीग बेटात वेग जुवाःता।
हनते ईसू अरू आँयगरिकुःआ चेलाकू हना सहर अते गलीलराः हुडिंग समुंदर अगीकू सेनेडा अरू गलील छतर अरू एहूदिया छतर अते मुरुक होड़कू हंडा हाँय तयोम तयोमकू सेनेडा।
ईसू समरिया अरू गलील छतरराः सिमान अते एरुसलेम सहर अगीय सलाःआ।
एटाः दिन ईसू गलील छतर अगी सेन लगाय ओंगोल दोहोतेरा। दो हंडा सोदोरनेनखन पिलिपूस सुदाय जुमावनेना अरूय कतातेरा, “आम ईंगरीग चेलाम बड़ाँः।”
हना तयोमरे ईसू एरदन नई मार परोम तोराय। हना ततेररे एहुना मड़ंग दिनरे होड़कू बतिसमाय एमेवाकुःआ। अरू ईसू हंडा सेनेडखने दोहोना।
हनालगा ईसू हना बेला वरी एहूदाकू अते ओनोक दनंगरेय सेना। अरू हाँय टयंगाब ततेरराः लेसानरे दोहोना हना इपरइम सहररेय सेनेडा। हंडा हाँय आँयग चेलाकू सुदाय दोहोना।
गलील छतरराः काना सहररे ईसू आँयगराः मड़ंगाः बयाव जुवाः इयाःआ बुता एचेतेडखन मान मरजइतगेयीग माःआने एचे उदुःनेना अरू आँयगरिकुःआ चेलाकू हाँय एचेरेकू बिसवासतेरा।
हनते ईसू आँयग चेलाकू सुदा एहूदिया छतर तोराय। अरू हंडा हाँय हँकू सुदा दोहोकियानखन होड़कू बतिसमाय एमेवाकुःआ।
हाँय अयूमकेरा अरूय ञेलतेरा हना कता बदीरेय कता उदुःगेतना। मनदो तोनोंगीग हाँयराः कता मनाः लगा मेरकू चहाःता।
ईसू एहूदिया छतर अते गलील छतररेय वेगकिया, हना अयूमतेडखन हाँय ईसू एचेरेय सेनेडा अरूय असेतेरा, “ईंग बेटा गुजुः इया इदानिया अरू आम ईंग ओड़ाःरे सेनेकियानखन ईंग बेटाम नपायगोडेय।”
हना तयोमरे ईसू गलील छतरराः एटाः गाँव सहरकूनरेय दँड़ा सेना। एहूदा होड़कूरिकुःआ मूक होड़कू ईसू ञेड एंडा लगाकू ओंगलेःआ। हनालगा हाँय एहूदिया छतर सेन लगा मेरेय चहाःआ।
