एहुना 3:10 - Korwa Bible

¹⁰ नाःआ अयूमतेडखन ईसू हाँय एचेरेय कताया, “आम इसराएल होड़कूरीग चेडदार होड़ हवे। हनते हों आम नाःआ कताकून मेरेम बुझाःतना जा?

एहुना 3:10 Σταυροειδείς Αναφορές

मती ओजाःतेरा भगवानराः नपाय सरवन 11:25

दो हनमेला ईसू कतातेरा, “ने सेरमो देस अरू चउंदीसरीग मालिक, ईंगरीग अपांग भगवान, ईंग आमिंग धनियाबादतना। आम नाःआ कताकून, कनहूनदारकू अरू सुदीदारकू अतेम ओकोतेरा अरू लइंकू इया होड़कू एचेरेम उदुःकेरा।

मती ओजाःतेरा भगवानराः नपाय सरवन 15:14

अपे फरीसी होड़कू अते तोनोरे तोरेपे दोहोन। हँकू अंधा मूक होड़कू इदानकुःआ। तोनोंगीग अंधा होड़ अनंधा होड़ दूरे उदुःवाय दो बना होड़ डोडहारेकिन रेम बोलो जुवाःता।”

मती ओजाःतेरा भगवानराः नपाय सरवन 22:29

दो ईसू सदूकी होड़कूय कता कुदावातेरा, “अपे भगवानराः सरवन अरू हाँयराः जंगर मेरपे बुझाः अते अपे गारबाररे इदानपेःआ।

लूका 2:46

पेय दिन तयोमरे हँकिन भगवान ओड़ाःरे ईसू नियम चेडदार होड़कू सुदा दुड़ुःतोकिन ञेलतिरिया। ईसू नियम चेडदार होड़कूराः बड़राय अयूमा अरू हँकू एचेरे सवालकूने होंबोरा।

लूका 5:17

मी दिन ईसू मीटोंग ओड़ाः पेंदारेय चेचेडा। दो एरुसलेम सहर अते, गलील छतर अरू एहूदिया राइजराः जमा गाँव अते फरीसी होड़कू अरू नियम चेडदार होड़कू हों हना ओड़ाःरेकू दुड़ुःकुःआ। हनमेला होड़कू नपायकू लगा भगवानराः जंगर ईसू एचेरे दोहोना।

एहुना 3:9

दो निकुदिमूस होंबोरतेरा, “नाःआ दो करा इया होयाःता?”

मूक चेलाकू 5:34

मनदो गमालिएल ञावीग मी होड़ फरीसी होड़ दोहोना। हाँय नियम चेडदार होड़े दोहोना अरू जमा होड़कू तलारे हाँय मान मरजइतगेयीग होड़े दोहोना। हाँय हना मरंग पंचाइतरे चड़ाँकियानखन हँकुःआ मूक चेलाकू बहरी एचे उडुंगकू लगाय हुकुमतेरा।

रूमी 2:28

एहूदाकूराः नइड़-बाँसते जनमावतो होड़ सहे देहरे खतनात होड़ सतायरे एहूदा होड़ मेरेय बड़ाँःता।

पिलिपी 3:3

मनदो अबू भगवानराः बिरुवाते हाँय जाग घड़ीन ईसू मसीबू मान मरजइतता। अरू होड़कूराः खतना इयाःआ रिती-बिधीरे मेरबू भरसाता। हनालगा सताय खतनात होड़कू अँननबू हवे।

कुलूसी 2:11

अपे मसी सुदापे मिनीयना, दो हाँय अपेराः बेनेलूराः नेवन चलाः एंडाकेडखने खतनाकेडपेःआ। नाःआ तोनोंगीग होड़ मेरकू एचेगरा, मनदो मनासी हमा एचेकेरा।