एहुना 20:26 - Korwa Bible

²⁶ आठ दिन तयोमरे ईसूरिकुःआ चेलाकू ओड़ाः पेंदारेकू दोहोना। अरू हँकू सुदा तोमा होंय दोहोना। हना ओड़ाःराः दुवार सींगतो दोहोना। हननमेला ईसू वेगनेना अरू हँकू तलारे चड़ाँनेनखने कतातेरा, “भगवान अपेराः जीवे सलसतगे।”

एहुना 20:26 Σταυροειδείς Αναφορές

मती ओजाःतेरा भगवानराः नपाय सरवन 17:1

छो दिन तयोमरे ईसू, पतरस, एकूब अरू एकूबरीग बोहोत एहुना सुदा मीटोंग उसूल पहाड़ सेरमो एकलाय गोःयाडकू।

मरकूस 16:14

हना तयोमते हँकू गारहगोटोंग मूक चेलाकू जोजोम लगाकू दुड़ुःकुःआ दो, ईसू हँकू एचेरे अनँयग एचे ञेलेयान। ईसू जियाव रेमयनाय, हना होड़कू उदुःवाकुःआ, दो हँकू मेरकू बिसवासगाड अते ईसू हँकूराः बेगर बिसवास अरू केटेग जीव अतेय डंटावतेडकुःआ।

लूका 24:36

हँकुःआ होड़कू कता उदुः होड़ेंगा, हननमेला असाका ईसू हँकू तलारेय चड़ाँयान अरूय कताया, “भगवान अपे लगा सलसते एमे।”

लूका 9:28

आठ दिन तयोमरे ईसू, पतरस, एहुना अरू एकूब पहाड़ चोटरे अनँयग सुदा अरजीगे लगाय गोःयाडकू।

एहुना 11:16

हनते दिदिमूस माःआनकू कतावायता, हाँयग तोमा एटाः चेलाकू एचेरेय कतातेड, “दो अबू हों हाँय सुदा गुजुः लगाबू सेन।”

एहुना 14:27

ईंग अपे जीविंग सलसतगेता। ईंग इनिंग अपे जीविंग सलसतगेता, मनदो चउंदीसरिकुःआ होड़कू सलसतगेता हना इया कोवान। हनालगा अपेराः जीव अहापे कुंभलाव ओवा अरू अहापे बोर।

एहुना 20:19

हनानाः एतवार दिन सिंगाड़ मेला, चेलाकू एहूदाकूरिकुःआ मूक होड़कूराः बोतोरते ओड़ाःरे सींग रेडतोकू दोहोना। दो ईसू हंडाय वेजेडा अरू हँकू तलारे चड़ाँनेनखने कतावाकुःआ, “भगवान अपेराः जीवे सलसतगे।”

एहुना 20:21

दो ईसू अरूय कतातेरा, “भगवान अपेराः जीवे सलसतगे। अपांग ईंगे वारकेरा, हनन इया ईंग अपे होयिंग वारपेतना।”

एहुना 21:1

हना तयोमरे ईसू तिबिरियास समुंदर धरीरे चेलाकू मड़ंगरेय एचे ञेलयान। अरू हाँय नाःआ इयाय एचे ञेलनेना।

एहुना 21:14

नाःआ इया ईसू गोएगतो अते जियाव रेमनेनखन चेलाकू एचेरे पेय तुरहाय एचे ञेलनेना।

मूक चेलाकू 1:3

ईसू कटसिया सहावतेडखन कुरूसरेय गोएगनेन तयोमरे हाँय जीयत इदानिया, माःआन मुरुक सताय चिनहाकून हँकुःआ होड़कू एचेरे चालीस दिन वरीय एचे उदुःतेरा अरू भगवानराः राइज बदीरेय कता उदुःतेरा।