एहुना 2:18 - Korwa Bible

¹⁸ हनते एहूदाकूरिकुःआ मूक होड़कू ईसू एचेरेकू कतातेरा, “नाःआ इया एचेय लगा आम इये हातपाते ओवाडमेःआ अरू हना अले सुदीबाःका लगा चिला चिनहाम उदुःवालेता?”

एहुना 2:18 Σταυροειδείς Αναφορές

मती ओजाःतेरा भगवानराः नपाय सरवन 21:23

ईसू भगवानराः ओड़ाःरे बोलोनेनखन होड़कूय चेचेडा। दो मरंग पुजउरीकू अरू होड़कूरिकुःआ हातपातदारकू हाँय एचेरे वेगनेनखनकू होंबोरतिरिया, “आम नाःआ इया बुता इयेराः हातपाततेम एचेयता? अरू नाःआ एचेय लगा इये हातपाते ओवाडमेःआ?”

मरकूस 8:11

तोनोंग दिनरे फरीसी होड़कू ईसू सुदाकू अड़ा-चउकीयान अरू ईसू अंदजावगेय लगा हाँय एचेरे सेरमो देसराः चिनहाकू असेःआ।

लूका 11:29

ईसू एचेरे मुरुक बगरा होड़कू जुमावयान दो हाँय कताया, “नाःआ जूगरिकुःआ होड़कू मुरुक बेलूर इदानकुःआ अरू ईंग एचेरे चिनहा उदुःगे लगाकू असेयतना। मनदो एवनाराः चिनहा अते अरू एटाः तोनोंगाः चिनहा ओरोकू पवावनेना।

एहुना 1:19

एरुसलेमरिकुःआ एहूदाकू बतिसमा एमेयीग होड़ एहुना एचेरे भगवानराः ओड़ाःरिकुःआ पुजउरी होड़कू अरू लेवी होड़कूकू वारगोतेडकू अरूकू एचे होंबरतिडिया, आम इये हवे, माःआन।

एहुना 1:25

अरू हँकू एहुना एचेरेकू होंबोरतेरा, “आम मसी, सहे इलियाह सहे भगवान वारगेय लगाय जबानतेरा हाँयग भगवानराः बड़रा कतायीग होड़ ना लवे दो आम चिला लगा होड़कू बतिसमाम एमेवाकूता?”

एहुना 6:30

दो हँकू हाँय एचेरेकू होंबोरतेड, “दो आम चिला बयाव जुवाः इयाःआ बुताम उदुःवालेता, जेमहा अले आम एचेरेले बिसवास अवेय?

मूक चेलाकू 4:7

हँकू पतरस अरू एहुना अँकू मड़ंगरेकू एचे चड़ाँतेडकिनखन हँकिन एचेरेकू होंबोरतेड, “अबा इयेराः ञावते अरू जंगरते नाःआ इयाबा एचेकेरा?”

मूक चेलाकू 5:28

अरू मूक पुजउरी हँकू एचेरेय होंबोरतेरा, “अपे एचेरे मड़ंग मेरले कतागाड जा, ईसूराः ञावते अपे होड़कू अहापे चेडकू, माःआन? अरू अपे एरुसलेम सहररिकुःआ जमा होड़कूराः लुतूर पेरेगवामिनपे चेडगोतेडकुःआ। नाःआते अपे गोएगनेना हाँयग होड़राः डंड अले चोटरे लछावगे लगापे ओंगलेतना जा?”