एहुना 2:16 - Korwa Bible

¹⁶ पेरवाँकूकू अकिरिंगा हँकुःआ होड़कू एचेरे ईसू कतातेरा, “नँकू नाःआ अते गोःयाकूपे। ईंग अपांगराः ओड़ाः हाट बजार अहापे तुलाय।”

एहुना 2:16 Σταυροειδείς Αναφορές

मती ओजाःतेरा भगवानराः नपाय सरवन 21:12

ईसू भगवानराः ओड़ाःरे बोलोकियानखन फेरवइत होड़कू जमाकूय जोः उडुंगगोतेडकू अरू ढिबुवाकू बदलाःआ हँकुःआ होड़कूराः टिबुलकून अरू पेरवाँ तितीगकूकू अकरिंगा हँकुःआ होड़कूराः मछिलाकूने उलटाव एंडागोतेडे।

मती ओजाःतेरा भगवानराः नपाय सरवन 21:13

अरू ईसू हँकू एचेरेय कताया, “भगवानराः कागदरे ओजाःतो इदा, ईंगराः ओड़ाः अरजी ओड़ाः माःआनकू कतावाता, मनदो अपे नान इनिग होड़कूराः लातपे बड़ाँवगोतेडा।”

मती ओजाःतेरा भगवानराः नपाय सरवन 22:5

मनदो टिवा एमेत होड़कू सेवकियाकूराः बड़रा लंदा अगीकू इकातेड। मी होड़ अनँयग दोहोड़ अगीय सेनेडा अरू एटाः होड़ अनँयग फेरवइत लगाय सेनेडा।

मरकूस 11:17

अरू हाँय चेडवाडखने कतावाडकू, “भगवानराः कागदरे नाःआ इया ओजाःतो कोवानेःआ जा? ईंगराः ओड़ाः जमा जइतकू लगा अरजीराः ओड़ाःकू कतायता, मनदो अपे इनिग होड़कूराः लातपे बड़ाँवगोतेडा।”

लूका 2:49

ईसू कताया, “अबा चिला लगा ईंगबा सपाःआ? अबा मेरबा सुसुदीतना जा ईंगके इनिंग अपांग ओड़ाःरे दोहोन इदा, माःआन।”

एहुना 10:29

ईंगरीग अपांग भगवान, हँकुःआ होड़कू ईंग तिःईरेय जिमाकेडकुःआ अरू हाँय जमाकू अते मरंग इदानिया। अरू तोनोंगीग हँकू ईंग अपांगराः तिःई अते ओरोकू गोः अवेतेडकुःआ।

एहुना 2:15

हनते ईसू डोराराः मीटोंग गुरुंदे तुलातेड अरू जमा भेड़ाकू अरू उरिगकू हाँय भगवानराः ओड़ाः अतेय जोः उडुंगगोतेडकू। अरू ढिबुवाकूनकू बदलाःआ हँकुःआ होड़कूराः टिबुलकून उलटाव एंडागोतेडखन ढिबुवाकूने छितियाव एंडागोतेड।

एहुना 20:17

हनते ईसू कतातेड, “ईंग अपांग भगवान एचेरे अरीनिंग सेना। हनालगा आम ईंग अहम साब रहावकायिंग। मनदो आम ईंगरिकुःआ वपक बोपोहकूतिंग एचेरे सेनेकियानखन हँकू एचेरेम कता उदुःगोड, ईंगरीग अरू अपेरीग अपांग अरू ईंगरीग अरू अपेरीग भगवान एचेरे सेरमोयिंग सलाःतना, माःआन।”

एहुना 5:17

हनते ईसू कतातेड, “नुँहू वरी ईंग अपांग बुतागोड ञवनताय। हनालगा ईंग हों हाँय इयायिंग बुतागोड ञवनतना।”

एहुना 8:49

दो ईसू कता कुदातेड, “ईंग एचेरे भूत कोवाया। मनदो ईंग इनिंग अपांग भगवाननिंग मान मरजइतता अरू अपे ईंग मेरपे मान मरजइतगींगतना।

1 तिमुतियूस 6:5

नाःआ इया होड़कू अनभनिया कड़ीगकू रेमगोडता। अरू हँकूराः जीव आडतो इदा अरू हँकू मेरकू सुदीयता सताय चिला हवे। हँकू ओंगलेता, धरमराः दूररे मुरुक नफा इदा, माःआन।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।