एहुना 19:17 - Korwa Bible

¹⁷ हनते हँकू ईसूकू गोःयाडीग अरू हाँय अनँयग कुरूस रेमतेडखन एरुसलेम सहर अते इबरानी भासीरे गुलगुता माःआनकू कतावाता, हना बोः खुरपीराः ततेर अगीय सेनेडा।

एहुना 19:17 Σταυροειδείς Αναφορές

मती ओजाःतेरा भगवानराः नपाय सरवन 10:38

अरू अनँयग कुरूस रेमकेडखन ईंग तयोम मेरेय सलाः दो, हाँय हों ईंग जुकूर कोनोवाया।

मती ओजाःतेरा भगवानराः नपाय सरवन 16:24

ईसू चेलाकूतेन एचेरेय कतातेड, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

मती ओजाःतेरा भगवानराः नपाय सरवन 27:37

हाँयराः बोः सेरमो हँकू मीटोंग जाः चिठी ओजाःतेडखनकू टंगावतेरा, नाँय एहूदाकूरीग राजा ईसू हवे, माःआन।

मरकूस 10:21

ईसू हाँयग होड़ अगीय ञेला अरू हाँय दुलारवाडखने कताया, “आम मीटोंग कता अरूम एचेय। आमराः जमा जइतकून अकिरिंगवाडखन गरीब होड़कूम हटिंगगोडवा। दो आम सेरमो देसरे मुरुक नपाय नपाय इमानमे पवाःता। हना तयोमरे आम ईंगरीग चेलाम बड़ाँः।”

मरकूस 15:26

ईसू बदीराः जाः चिठी नाःआ इया ओजाःतो दोहोना, नाँय एहूदाकूरीग राजा हवे, माःआन।

मरकूस 15:32

ने इसराएलरीग राजा, मसी, नुँहू कुरूस अतेम उतराव वेग दो आम ञेलकेडखनले बिसवासगेता।” अरू हाँय सुदा कुरूसरे ठोंकावतोकिन दोहोना, हँकिन हों हाँयकिन लंदावाया।

मरकूस 8:34

हनते ईसू हंडाकू जुमावनेना हँकुःआ होड़कू अरू आँयग चेलाकू आँयग एचेरे राःतेडखन हँकू एचेरेय कतातेरा, “तोनोंगीग ईंग तयोम अगी वेग लगाय ओंगलेतना दो हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

लूका 14:27

अरू अनँयगराः कुरूस रेमकेडखन ईंग तयोम मेरेय वेग दो, हाँय हों ईंगरीग चेला ओरोय बड़ाँव अवेनेना।

लूका 23:26

दो हँकू ईसू ठोंकाव गोएग एंडागेय लगाकू गोःयाडीग। हनमेला कुरेन सहररीग सिमोन एरुसलेम मरंग सहर अगीय वेगा। हँकू हाँयग सिमोन साबतिरिगखन ईसू गोगोःआ हना कुरूस हाँयकू एचे दोहेँतिरिया अरू हाँय ईसूराः तयोम तयोमे सेना।

लूका 23:33

हँकुःआ होड़कू बोः खुरपी माःआनकू कतनता हना ततेररेकू सोदोरयान। दो हंडा ईसू अरू कसूर होड़किन कुरूसरेकू ठोंकावगोतेडकू। मी होड़ ईसूराः खउना गतर अरू मी होड़ ईसूराः डिरही गतरकू ठोंकावतेडकिन।

लूका 23:38

अरू ईसूराः बोःते सेरमो कठवाराः हुडिंग पटरारे नाःआ इया ओजाःतो दोहोना, नाँय एहूदाकूरीग राजा हवे, माःआन।

लूका 9:23

हनते ईसू जमा होड़कू एचेरेय कताया, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस सगर दिन रेमकेडखन ईंग देह दूरे ओतोंग वेग।

एहुना 19:13

नाःआ कता अयूमतेडखन पिलातूस ईसू बाहरीय अगूतिरिया। हंडा दिरि दूर ञावराः मीटोंग ततेर दोहोना, अरू इबरानी भासीरे गबबाता माःआनकू कतावाता। हंडा हाँय फड़ियावगे लगा गदीरेय दुड़ुःनेना।

एहुना 5:2

एरुसलेमरे भेड़ा ञावराः हता दुवार कुटीरे मीटोंग दाह दोहोना। इबरानी भासीरे नाःआ दाहराः ञाव दोहोना बेत-हसदा। अरू हना दाहराः चइरो गतर पाँचगोटोंग मरंग परछी दोहोना।

मूक चेलाकू 7:58

हनते हँकू हाँय हना सहर अते बहरीकू ओर उडुंगतिरिया अरू हाँय चोटरे दिरिकून हाँय तेके गोजेय लगाकू तेकेया। दो हंडा मी होड़ डिंघा होड़ दोहोना। हाँयराः ञाव दोहोना साहूल। दो इसतपनूस चोटरे दिरिकू तेकेःआ हँकुःआ होड़कू, हाँयग साहूल एचेरे हँकूराः सेरमो तुसिंगतो सोनहेकू जिमाःतेरा।