एहुना 18:8 - Korwa Bible

⁸ हनते ईसू कतातेड, “अपे एचेरे ईंग हवे माःआनिंग कतातेरा, हाँय दो इनिंग हवे।”

एहुना 18:8 Σταυροειδείς Αναφορές

मती ओजाःतेरा भगवानराः नपाय सरवन 26:56

मनदो नाःआ जमाकून भगवानराः बड़रा कता होड़कू ओजाःतेरा हना कता पुराः लगा होयाकिया।” हनते जमा मूक चेलाकूतेन ईसू अड़ाःतिरिगखनकू ञीरयान।

एहुना 10:28

ईंग हँकू लगा ओरो टुटीगनेना हना जीविंग एमेवाकूता। हँकू कहियो ओरोकू लायनेना अरू तोनोंगीग हँकू ईंग तिःई अते ओरोकू गोः अवेतेडकुःआ।

एहुना 13:1

पसहा परोब बुँहड़ीन अते मड़ंग ईसू सुदीगोतेडे, नाःआ चउंदीस अड़ाःकेडखन ईंग अपांग एचेरे सेन लगा बेला निचकाःतना। अरू चउंदीसरे इदानकुःआ आँयग निकता होड़कू हाँय मुरुके दुलारकेडकुःआ अरू हनन इया हँकू सगर सइटे दुलारकूता।

एहुना 13:36

दो सिमोन पतरस ईसू एचेरेय कतातेड, “ने परबू, आम करम सेनता?” दो ईसू हाँय एचेरेय कतातेड, “ईंग सेनता हना ततेररे आम नुँहू ईंग देह दूर ओरोम सेने अवेतेरा। मनदो तयोमरे आम ईंग देहोरमे वेगता।”

एहुना 16:32

ईंगपे अयूम! अपे जमाकू सितिर-बितिर जुवाःता अरू ईंग अड़ाः एंडाकेडखन अपे अँनपे अपेराः दूरपे सलाव जुवाःता हना बेला निचकाःतना। मनदो ईंग अपांग ईंग सुदा इदानिया, हनलगा ईंग ओरोयिंग एकलानेना।

एहुना 18:7

दो ईसू अरूय होंबोरतेड, “अपे इयेपे ञामतना?” अरू हँकू कतातेड, “नसरेतरीग ईसू।”

एहुना 18:9

ईसू मड़ंगरेय कतातेरा, आम ईंगमे एमेवातेरा, हँकुःआ होड़कू अते मी होड़ हों मेरिंग केड़ेगाडकू। हना कता नुँहू होनोयाः लगा नाःआ इया होयाकिया।

1 कुरिंती 10:13

जमा होड़कू अंदजावरेकू पराःता, अरू हनन इया अपे लगा हों अंदजाव होयाःता। भगवान भरसागे इयायीग हवे। अपे सहाव अवेयता, हना अते बगरा अंदजावरे ओरोय पराव ओवातेडपेःआ। मनदो अपे जीवरे अंदजाव होयाः मेला, अपे ससहाव लगा हों भगवान अपे दूरे उदुःवापेता, जेमहा अपे अलोपे कसूरगे।

2 कुरिंती 12:9

मनदो हाँय ईंग एचेरेय कतातेरा, ओरो! ईंगराः जंगर अबड़ावगुःतान मेला उडु-बुडूगोडमेता। हनालगा ईंगराः मया आम लगा होनोया जुवाःता, माःआन। दो ईंग अबड़ाव होड़िंग दोहोन अते, ईंग मुरुक बहालतेयिंग भल-भलायगुःता, जेमहा मसीराः जंगर ईंग जीवरे दोहो ञवन।

इपीसी 5:25

ने हेपेरेलकू, मसी अनँयग आँयगते गुजुः लगा जिमानेनखन कलसियाय अलार-दुलारकेरा, हनन इया अपे अँननपेरिकुःआ एपेराकूपे अलार-दुलार।

1 पतरस 5:7

भगवान अपे लगाय ओंगोलगोड ञवनतना। हनालगा अपेराः जमा बरानाः ओंगोल कुहकाःकून हाँय एचेरेपे जिमागोड।