एहुना 18:20 - Korwa Bible

²⁰ ईसू हाँय एचेरेय कतातेरा, “ईंग जमा होड़कू मड़ंगरेयिंग कता उदुःतेरा। एहूदाकू जुमाःता हना अरजी ओड़ाःकूनरे अरू भगवानराः ओड़ाःरेयिंग कता उदुःतेरा अरू ओकोकियानखन तोनोंग इया मेरिंग कतागरा।

एहुना 18:20 Σταυροειδείς Αναφορές

मती ओजाःतेरा भगवानराः नपाय सरवन 24:26

दो होड़कू अपे एचेरेकू कताय, ञेलेयपे, माँय टयंगाब ततेररे इदानिया। दो अपे हना अगी अलोपे सेन। हँकू अपेकू कतावा, ञेलेयपे, माँय कुठरीरे इदानिया, दो अपे अलोपे बिसवासगे।

मती ओजाःतेरा भगवानराः नपाय सरवन 26:55

हनमेला ईसू होड़कू एचेरेय कतातेड, “अपे ईंग लुलुड़ी होड़ ओंगोलवाडिंगखन ससाब लगा तलवइरकून अरू हापकून साबकेडखनपे वेगकिया जा? ईंग सगर दिन भगवान ओड़ाःरे अपे सुदायिंग दोहोना अरू होड़कूयिंग चेडा। दो अपे हंडा ईंग मेरपे साबगडिंग।

मती ओजाःतेरा भगवानराः नपाय सरवन 26:65

हनते मूक पुजउरी मुरुके रीसनेना अरू आँयगराः सोनहे सिरावतेडखने कतातेड, “नुँहू अबू लगा तोनोंगीग होड़ अते अरू हिदइत गोगोः कोवानेःआ। अपे जमाकू अयूमकेरापे, नाँय भगवान बदीकेडखन चेले माःआने कताकेरा।

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

मती ओजाःतेरा भगवानराः नपाय सरवन 9:35

ईसू एटाः एटाः सहरकून अरू गाँवकूनरे सेनेडखन हँकूराः अरजी ओड़ाःकूनरेय चेडतेडकुःआ। हाँय भगवानराः राइजराः नपाय सरवने परसार उदुःतेरा अरू बेमरियातेकू दोहोना हँकुःआ होड़कूय नपायगोड ञवना।

मरकूस 8:32

नाःआ कता ईसू मी सुटीय कतागोतेडा। दो पतरस ईसू एटाः अगीय गोःयाडीग अरू डंटावगेय लगाय बुँहड़ीगोतेड।

लूका 21:37

ईसू दिने मने भगवानराः ओड़ाःरे होड़कूय चेडा अरू रइत मेला जइतून पहाड़रे सेनेकियानखने दोहोना।

लूका 4:15

अरू हाँय एटाः एटाः अरजी ओड़ाःकूनरे होड़कूय चेडतेरा अरू जमा होड़कू हाँय बदीरेकू भल-भलाययान।

एहुना 18:21

दो आम चिला लगाम होंबरेयिंगतना? अयूमकेराकू हँकुःआ होड़कू एचेरेम होंबरे ईंग चेले माःआनिंग कताकेरा?”

एहुना 6:59

नाःआ कताकून ईसू कपरनहूम सहरराः अरजी ओड़ाःरे होड़कूय चेड मेलाय कतातेरा।

एहुना 7:14

दो परोब चइर दिन होयानेन दो ईसू भगवानराः ओड़ाःरे सेनेकियानखन होड़कू चेड लगाय बुँहड़ीतेरा।

एहुना 7:26

मनदो नाँय नुँहू जमाकू मड़ंगरेय उदुःगेतना अरू तोनोंगीग हाँय एचेरे कहिसाः मेरकू कतायतना। मूक होड़कू सुदीगोतेडाकू जा ननाँय सतायरे मसी हवे, माःआन?

एहुना 7:28

हनते ईसू भगवानराः ओड़ाःरे चेचेड मेला मुरुक सटीय कताया, “अपे ईंगपे सुदीयिंगतना अरू ईंग करा अगीतेयिंग वेगकिया हना होँपे सुसुदीतना। ईंग इनिंगते मेरिंग वेगगना। ईंगे वारकेरा हाँय सताय इदानिया अरू अपे हाँय मेरपे सुदीयतना,

एहुना 7:4

तोनोंगीग होड़ आँयगराः ञाव जगावगे लगाय ओंगलेता दो, हाँय ओकोकियानखन तोनोंगाः बुता ओरोय बुतातेरा। आम नाःआ इया बुताम बुताता दो जमा होड़कू मड़ंगरेम एचे उदुःगोड।”

एहुना 8:2

अंगुः निंदावा ईसू भगवानराः ओड़ाःरेय सेनेडा दो मुरुक होड़कू हाँय एचेरेकू जुमावयान। हनते ईसू दुड़ुःनेनखने चेडकुःआ।

एहुना 8:26

अपे बदीरे मुरुक कताय लगा अरू फड़ियावगे लगा इदा। मनदो ईंगे वारकेरा हाँय सताय इदानिया अरू ईंग हाँय अतेयिंग अयूमकेरा हनानाः कताकून चउंदीसरिकुःआ होड़कू एचेरेयिंग कतायतना।”

मूक चेलाकू 26:26

ईंग राजा मड़ंगरे बेगर बोरतिंग कतायता, हना कता हाँय होंय सुदीयता। अरू नाःआ कताकून जमाकू मड़ंगरे होयानेना अरू ईंग बिसवासगेतना हना तोनोंगाः कता हाँय अते ओकोत कोवानेःआ।