एहुना 18:18 - Korwa Bible

¹⁸ ररंगराः दिन दोहोना अरू सेवकियाकूतेन अरू भगवानराः ओड़ाःरिकुःआ अगुरा होड़कू कोयला बाल हसातेडखन चइरो गतर चड़ाँकियानखनकू एलांगगुःआ। दो पतरस हों हँकू सुदा चड़ाँकियानखन सेंगेलरेय एलांगगुःआ।

एहुना 18:18 Σταυροειδείς Αναφορές

मरकूस 14:54

पतरस ईसू अते गुनमिन तोनोरे तोरेते हाँय देह दूर मूक पुजउरीराः ओड़ाः राच मिने बोलोनेना। हाँय अगुरा होड़कू सुदा दुड़ुःनेनखन सेंगेलरेय एलांगगुःआ।

मरकूस 14:67

अरू पतरस सेंगेलरेय दुड़ुःकुःआ हनमेला हाँयग सेवकियायीन तनी-बनी सिनहातिरिगखन पतरसे कतावाःआ, “आम हों दो नसरतरीग होड़ ईसू सुदाम दोहोना।”

लूका 22:44

ईसूराः जीव अगम सिकिसतारे परावनेना अरू हाँय कुहकाः घड़ीने अरजीःआ। अरू हाँयराः उगार दाः, बडे बडे बलंगी इया उडुंगगुः घड़ीन जोरोःआ।

एहुना 18:25

सिमोन पतरस चड़ाँकियानखन सेंगेले एलांगगुःआ दो मी होड़ हाँय एचेरेय होंबोरतेरा, “आम हों हाँयरिकुःआ चेलाकू अते मी होड़ हवे जा?” दो हाँय ईसू आड-बेकारवातिरिगखने कताया, “ईंग ना लवे।”

एहुना 18:3

दो जूदा रूमी देसरिकुःआ अदोम सइना होड़कू अरू मरंग पुजउरी होड़कू अरू फरीसी होड़कू वारतेडकुःआ हँकुःआ भगवानराः ओड़ाःरिकुःआ अगुरादार होड़कूय अविर अगूतेरा। अरू हँकुःआ होड़कू मुरीकून, ढिबरीकून अरू अवजारकून साबतेडखन हंडाकू सोदोरयान।

एहुना 21:9

हँकू धरीरेकू उतरावनेन दो हंडा हकूकू रपाःतो अरू रुटी लाडतोकू ञेलतेरा।

मूक चेलाकू 4:23

मरंग पंचाइतरिकुःआ होड़कू पतरस अरू एहुनाकू अड़ाःगोतेड अरू हँकिन अँननकिनारिकुःआ होड़कू एचेरेकिन कुदा सेनेडा अरू हँकू एचेरे मूक पुजउरीकिन अरू एटाः मूक होड़कू कतातेरा हना जमाकिन कता उदुःवातेडकुःआ।

1 कुरिंती 15:33

अलोपे अडिगगुः। बेलूर सउंगताकू नपाय लूरकू आडगोडता।