एहुना 17:23 - Korwa Bible

²³ आम ईंग सुदा मिनी इदानमेःआ अरू ईंग हँकू सुदा मिनी इदानिंगा, जेमहा हँकू जमालेःआतेकू मिनी जुवाः। हनाते चउंदीसरिकुःआ होड़कू सुदीयता अनम ईंगमे वारकेरा अरू आम ईंगमे दुलारकेरा हनन इया हँकू होंम दुलारकूतना।

एहुना 17:23 Σταυροειδείς Αναφορές

एहुना 10:38

दो ईंग इनिंग अपांगराः बुतायिंग एचेता अरू अपे ईंग एचेरे मेरपे बिसवासगेता होले, ईंगराः बयाव जुवाः इयाःआ बुतारेपे बिसवासगे। हनाते अपे सुदीगोडता अपांग सुदायिंग मिनीयना अरू अपांग ईंग सुदा होंय मिनीयना।”

एहुना 13:35

अपे अँननपे अपे अलार-दुलार होड़ेंग दो ननानाः अते जमा होड़कू सुदीगोडपेता अपे ईंगरिकुःआ चेलाकू हवे, माःआन।”

एहुना 14:10

आम मेरेम बिसवासगेतना जा, ईंग अपांग सुदा मिनी इदानिंगा अरू अपांग ईंग सुदा हों मिनी इदानिया, माःआन? ईंग कतायता हना कता ईंग, ईंगराः ओंगोलते मेरिंग कतायतना, मनदो अपांग ईंगराः जीवरेय दोहोनता अरू आँयगराः बुता ईंगतेय एचेयता।

एहुना 14:23

दो ईसू कतातेड, “अपे तोनोंगीग ईंगपे अलार-दुलार दो, हाँय ईंगराः सरवने मनेवाता। ईंग अपांग हाँये अलार-दुलारता अरू अलिंग हाँय एचेरे सेनेकियनखन हाँय सुदालिंग दोहोनता।

एहुना 15:9

अपांग ईंगे दुलारकेरा हनन इया अपे होयिंग दुलारकेडपेःआ। हनालगा अपे ईंग सुदा मिनीपे दोहोन अरू अपे ईंगपे अलार-दुलारगोड ञवन।

एहुना 16:27

ईंग अपांग अगीतेयिंग वेगकिया, हना अपे बिसवासकेडखन ईंगपे अलार-दुलारकेरा। हनालगा ईंग अपांग अपे होंय अलार-दुलारता।

एहुना 17:11

ईंग नाःआ चउंदीसरे ओरोयिंग दोहोनेना मनदो नँकू चउंदीसरेकू दोहोनता अरू ईंग आम एचेरेयिंग सेनता। ने सुद अपांग भगवान, अलंग मिनी इदानलंगा, हनन इया हँकू हों मिनीकू दोहोन लगा ईंगमे एमेवातेरा अनमराः ञावराः जंगरते हँकूम बनसावगोड ञवन।

एहुना 17:21

ने अपांग, आम ईंग सुदा मिनी इदानमेःआ अरू ईंग आम सुदा मिनी इदानिंगा, हनन इया हँकुःआ होड़कू हों जमाकू अँननकू अँकू मिनी जुवाः। नाःआते चउंदीसरिकुःआ होड़कू बिसवासगेता अनम ईंगमे वारकेरा।

एहुना 17:24

ने अपांग, चउंदीसमे तुला अते मनाड़ंग आम ईंगमे दुलारकेरा। हनालगा आम ईंगमे जिमावारा हँकुःआ होड़कू, ईंग सुदा सगर सइटकू दोहोन लगा अरू आम ईंगमे एमेवारा हना मान मरजइत हँकू ञेल अवेय लगा आम एचेरेयिंग असेयतना।

एहुना 17:26

ईंग हँकू एचेरे आमिंग एचे उदुःगोतेरा अरू उनुदुःगोड ञवनतिंग। हनाते आम ईंगमे दुलारता, हना दुलार हँकू एचेरे हों दोहोनता अरू ईंग इनिंग हँकू सुदा मिनीयिंग दोहोगोड ञवनता।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

एहुना 17:8

आम ईंगमे कता उदुःवातेरा हना सरवन ईंग हँकूयिंग कता उदुःवातेडकुःआ। हना हँकू मनेवाडखन आम ईंगमे वारतेरा हनाकू बिसवासकेरा। ईंग आम अगीतेयिंग वेगकिया, हना कताकू सुनुदीबाःगोतेडा।

एहुना 3:17

चउंदीसरिकुःआ होड़कू डंडियावकू लगा कोवान, मनदो हँकुःआ होड़कू सडावकू लगा भगवान अनँयग बेटाते वारतिरिया।

एहुना 6:56

ईंगराः देहे जोमगोडता अरू ईंगराः बलंगीय ञूयता हाँयग होड़ ईंग सुदा मिनीय दोहोनता अरू ईंग हों हाँय सुदा।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

पिलिपी 3:15

अबू अते, भगवानराः ओंगोल इया जमालेःआते उडु-बुडूत इदानबुःआ, अबू नाःआ इयाःआ ओंगोलरे सनालावगोड ञवन लगा इदा। मनदो तोनोंगीग एचेरे एटाः इयाःआ ओंगोल इदान दो, भगवान हँकूराः हना ओंगोल ननपायतेय एचे सुदीगोडकूता।

कुलूसी 1:28

हनाँय बदीरेले परसारगेतना अरू भगवान अलेय एमेवाडलेःआ हना कनहूनते जमा होड़कूले सेतावतना अरूले चेडकूतना, जेमहा मसीराः बिसवासरेकू उडु-बुडूयना हँकुःआ जमा होड़कू भगवान मड़ंगरेले जिमा अवेकू।

कुलूसी 2:2

हँकूराः जीव हड़ियाड़कियानखन अलार-दुलारते मिनी जुमूटगे लगायिंग चहाःतना, जेमहा भगवानराः ओकोत बुइद, ईसू मसी बदीरे, नपायते बुझावकियानखनकू सुनुदीबाःगे।

कुलूसी 3:14

नाःआ जमाकूनपे एचेगोड ञवन। मनदो नाःआ अते अरू बगरा अपे अलार-दुलार होड़ेंगपे। दो अपे हेनेल-मेलरेपे दोहो अवेनता।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

1 एहुना 1:3

अले ञेलकेरा अरूले अयूमकेरा, हनानाः अपे एचेरे होंले कतायतना, जेमहा अपे अले सुदापे मिनी जुवाः। अरू अले हों अबूरीग अपांग भगवान अरू आँयगरीग बेटात ईसू मसी सुदा मिनी इदानलेःआ।

1 एहुना 3:1

अबूरीग अपांग भगवान मुरुक बगरा दुलारकेडबूखन ईंगरिकुःआ लइंकू माःआने कतावाबूता, अरू सनातायते अबू हाँयरिकुःआ लनाइंकू हवे। चउंदीसरिकुःआ होड़कू भगवान मेरकू सुदीगेयता। हनालगा हँकू अबू भगवानरिकुःआ लइंकू हवे माःआन मेरकू सुदीबूतना।

1 एहुना 4:19

मड़ंगरे भगवान अबूय दुलारकेरा। हनालगा भगवान अरू एटाः होड़कूबू दुलार अवेकूता।

उदुःतो कताकून 3:9

अपे ईंगपे अयूम! अदोम होड़कू भगवानरिकुःआ होड़कू ना लवे। मनदो अँनकू लबराकियानखनकू कतनता, अले भगवानरिकुःआ होड़कू हवे, माःआन। हँकू कलउराः गउदारिकुःआ होड़कू हवे। ञेलपे, ईंग हँकू अपे मड़ंगरेयिंग अगुकूता अरू अपेराः काट कुटीरेकू उकुड़ोमगुःता। हनते हँकू सुदीगोडता, ईंग अपेयिंग दुलारता।