एहुना 17:22 - Korwa Bible

²² आम ईंगमे एमेवारा, हना मान मरजइत हँकू लगायिंग एमेकेरा, जेमहा अलंग मिनी इदानलंगा हनन इया हँकू होंकू मिनी जुवाः।

एहुना 17:22 Σταυροειδείς Αναφορές

मरकूस 6:7

हनते ईसू आँयगरिकुःआ बारहो मूक चेलाकूतेन आँयग एचेरेय राःतेडकुःआ अरू भूतकू होड़कू अते एचे उडुंगकू लगा हातपाते ओवातेडकुःआ अरू बबर होड़ बबर होड़े वारगोतेडकू।

लूका 22:30

जेमहा ईंगराः राइजरे अपे हों ईंग सुदापे जोम ञूय अरू गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजकू।

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

एहुना 1:16

अरू हाँय उडु-बुडूत होयानेन अते अबू जमाकूराः जीवरे मुनुरुक मयाबू पवावनेना।

एहुना 14:20

हना दिन अपे सुनुदीगोडता ईंग अपांग भगवान सुदा मिनी इदानिंगा अरू अपे ईंग सुदा मिनी इदानपेःआ अरू ईंग अपे सुदा हों।

एहुना 17:24

ने अपांग, चउंदीसमे तुला अते मनाड़ंग आम ईंगमे दुलारकेरा। हनालगा आम ईंगमे जिमावारा हँकुःआ होड़कू, ईंग सुदा सगर सइटकू दोहोन लगा अरू आम ईंगमे एमेवारा हना मान मरजइत हँकू ञेल अवेय लगा आम एचेरेयिंग असेयतना।

मूक चेलाकू 5:41

अरू हँकू हना ततेर अते सेन मेला बहालनेनखनकू कता होड़ेंगा, ईसू लगा कटसिया ससहाव लगा भगवान अबूय सुनावकेरा, माःआन।

रूमी 8:30

भगवान मनाड़ंगतेय सुनाव दोहोकेडकुःआ हँकुःआ होड़कू अनँयग एचेरेय राः अगुकेडकुःआ अरू फड़ियावतो होड़कूय बड़ाँवगोतेडकुःआ। हनते हाँय हँकू होंय मान मरजइतकेडकुःआ।

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

2 कुरिंती 5:20

दो अले राजारिकुःआ बराहीलकू इया मसी बदीरेले कतायतना। भगवान अलेतेय असेयतान इयाय कतायतना, अरू मसी लगा अपेले असेतना, जेमहा भगवान सुदापे हेल-मेल जुवाः।

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

इपीसी 2:20

अरू अबू हना ओड़ाःराः फड़ा इयाबू बड़ाँवयना। इनीसू मसी हना ओड़ाः तलाराः बड़ियाड़ खुंटा इया इदानिया अरू मूक चेलाकू अरू भगवानराः बड़रा कता होड़कू, ओड़ाःराः धरी खुंटाकून इया इदानकुःआ।

पिलिपी 1:29

अपे ईसू मसी एचेरे बिसवासगे लगा एकला कोवान, मनदो हाँय लगा कटसिया हों सहाव लगाय दहिनवाडपेःआ।

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

1 एहुना 1:3

अले ञेलकेरा अरूले अयूमकेरा, हनानाः अपे एचेरे होंले कतायतना, जेमहा अपे अले सुदापे मिनी जुवाः। अरू अले हों अबूरीग अपांग भगवान अरू आँयगरीग बेटात ईसू मसी सुदा मिनी इदानलेःआ।

1 एहुना 3:24

भगवानराः हुकुमे मनाःता हाँयग होड़ भगवान सुदा मिनी इदानिया अरू भगवान हों हाँय सुदा मिनी इदानिया। भगवान अबू लगाय एमेकिरिया हाँयग सुद बिरुवातेबू सुदीयता, भगवान अबू सुदा मिनी इदानिया, माःआन।

1 एहुना 4:17

नाःआ इया अबू जीवरे दुलार उडु-बुडू जुवाःता, जेमहा ईसू नाःआ चउंदीसरेय जियावनेना हनन इया अबू हों जियाः दो, फड़ियावराः दिनरे अबू डीड़तेबू दोहो अवेनता।

उदुःतो कताकून 21:14

हना सहरराः हता बारहगोटोंग नेवरे तुलात दोहोना। अरू हना मेमेडटोंग नेवरे हाँयग भेड़ा होनरिकुःआ बारहगोटोंग मूक चेलाकूराः ञाव ओजाःतो दोहोना।