एहुना 16:2 - Korwa Bible

² हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

एहुना 16:2 Σταυροειδείς Αναφορές

मती ओजाःतेरा भगवानराः नपाय सरवन 10:28

अपेराः देहकू ञेड एंडाता, मनदो अपेराः बिरुवा ओरोकू गोएग अवेतेरा हँकुःआ होड़कू सुदा अलोपे बोर। मनदो अपेराः बिरुवा अरू देह दगलीकून नरगरेय लाय एंडा अवेता हनाँयपे बोरोवा।

मती ओजाःतेरा भगवानराः नपाय सरवन 24:9

हनते होड़कू अपे संतावपे लगा अरू ञेड एंडापे लगाकू जिमापेता। जमा जइतरिकुःआ होड़कू ईंगराः ञाव अते अपेकू हिनइस-बिनइसवापेता।

लूका 6:22

मनुवारीग बेटात बदीरे होड़कू अपेकू हिनइस-बिनइसवापेता, अरूकू उडुंग एंडागोडपेता, लंदा एरंगवापेताकू अरू बेलूरकू कतावापेता दो, अपेराः जीव-जहन भगवान भलावाडखने नपायगेता।

एहुना 12:42

हनारे हों मूक होड़कू अते मुरुक बगरा होड़कू ईसू एचेरेकू बिसवासतेरा। मनदो हँकू, फरीसी होड़कू अले अरजी ओड़ाः अते उडुंगगोडलेताकू, माःआनकू बोरा। हनालगा हँकू अँकूराः बिसवास बदीरे मेरकू कता उदुःगाड।

एहुना 16:25

नुँहू वरी ईंग अउल-तउल कतायिंग कताकेरा। मनदो ईंग अपे एचेरे अउल-तउल कता ओरोयिंग कतातेरा अरू ईंग अपांग बदीरे मीसुटीयिंग कता उदुःवापेता हना बेला निचकाःतना।

एहुना 16:32

ईंगपे अयूम! अपे जमाकू सितिर-बितिर जुवाःता अरू ईंग अड़ाः एंडाकेडखन अपे अँनपे अपेराः दूरपे सलाव जुवाःता हना बेला निचकाःतना। मनदो ईंग अपांग ईंग सुदा इदानिया, हनलगा ईंग ओरोयिंग एकलानेना।

एहुना 4:21

दो ईसू कतातेड, “ने दिदी, ईंग एचेरेम बिसवासगे। दरवाःआ हना बेलारे अपे भगवान नाःआ पहाड़रे सहे एरुसलेमरे ओरोपे जागतिरिया।

एहुना 4:23

मी बेला दरवाःआ अरू हनानाः बेला नुँहू बुँहड़ीयना। सतायते अपांग भगवानकू जागता, हँकुःआ होड़कू बिरुवा अरू सतायते हाँयकू जागता। अरू ननन इयाकू जागगेता हँकुःआ होड़कू भगवान ञामकूता।

एहुना 9:22

तोनोंगीग होड़ ईसू, मसी हवे माःआने मनेवाया दो, हाँयग होड़ अरजी ओड़ाः अते हिगार एंडाय लगा एहूदाकूरिकुःआ मूक होड़कू मी रायरेकू दोहोना। हनालगा हाँयग होड़रिकिनाः एंगात अपात एहूदाकूरिकुःआ मूक होड़कूराः बोतोरतेकिन कतातेरा, नाँय लँइग कोवाया। हनालगा अपे अनँयग एचेरेपे होंबरे, माःआन।

एहुना 9:34

हँकू हाँय एचेरेकू कतातेड, “आम दो जनमावनेन वरीते कसूर होड़ इदानमेःआ। अरू नुँहू अलेम चेडतना जा?” हनते हँकू हाँय अरजी ओड़ाः अते हिगारतिरीगखनकू एकला एंडागोतेडीग।

मूक चेलाकू 5:33

पंचाइतरिकुःआ होड़कू नाःआ बड़राकू अयूमतेड दो हँकू मुरुक रीसतेकू रंजावयान अरू हँकू ञेड एंडा लगाकू ओंगलेःआ।

मूक चेलाकू 7:56

अरू हाँयग इसतपनूस कतातेरा, “मन ञेलपे! ईंग सेरमो देसराः दुवार गीगतो अरू मनुवारीग बेटात भगवानराः खउना गतररे चड़ाँतिंग ञेञेलतना।”

1 कुरिंती 4:13

अलेकू बदीतान दो हँकू सुदा सुधियाले बुतुड़ुता। नुँहू वरी अले होड़कू लगा जोम एरांगतो इया अरू सेया खरसी इया इदानलेःआ।

पिलिपी 3:6

अरू मोसेसराः नियम नपायते मनाः बदीरे ईंग बेगर गारबार होड़िंग दोहोना। भगवान मान मरजइत लगा सनपड़ावतोयिंग दोहोना अरू हनालगा कलसियारिकुःआ बिसवासी होड़कूयिंग संतावतेरा।

उदुःतो कताकून 6:9

हनते भेड़ा होन पाँच नमारराः मोहरे उघाड़तेरा दो, भगवानराः सरवन लगा अरू हना सरवन होड़कू एचेरे कता उदुः अतेकू ञेड गोएगतेडकुःआ, हँकुःआ होड़कूराः हनसा ईंग धाम पेंदारेयिंग ञेलतेरा।