एहुना 15:6 - Korwa Bible

⁶ तोनोंगीग ईंग सुदा मिनी मेरेय दोहोनतान दो हन अंगूरराः नइड़ इया गेडकेडखन तेके एंडागोडता अरू हना नइड़ झुरा जुवाःता। हनते होड़कू हना नइड़ मीरे हलंग जवारकेडखनकू बाल लो एंडागोडता।

एहुना 15:6 Σταυροειδείς Αναφορές

मती ओजाःतेरा भगवानराः नपाय सरवन 13:41

मनुवारीग बेटात, सेरमो देसरिकुःआ बराहीलकूय वारकूता अरू हँकू, हाँयराः राइज अते, होड़कू एचे कसूरकूता हना जमाकून अरू बेलूर बुताकूनकू बुताता हँकुःआ होड़कूकू उडुंग एंडागोडकूता,

मती ओजाःतेरा भगवानराः नपाय सरवन 27:5

हनते जूदा हना रिचकी चाँदीकून भगवानराः ओड़ाःरेय तेके एंडा अटूड, अरू हाँय बहरी सेनेकियानखन अनँयग आँयगतेय वका गोएगयान।

मती ओजाःतेरा भगवानराः नपाय सरवन 3:10

नुँहू सींग दूब घींग लगा वके सपड़ावतो इदा। नपाय जोःओ मेर जोःता हना जमा सींग दूबकून, घींगकेडखन सेंगेलरेकू बाल लोगोडता।

मती ओजाःतेरा भगवानराः नपाय सरवन 7:19

नपाय जोःओ मेर जोःता, हना जमा सींग दूबकून रूबकेडखनकू बाल एंडागोडता।

एहुना 15:2

ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

इबरानी 10:27

मनदो नाःआ इयाकू एचेयता हँकुःआ होड़कू भगवान फनड़ियावकूताय अरू आँयगरिकुःआ मुदइ होड़कूय डंडियावता हना हितकाःतो सेंगेलरे हँकू होंय डनंडियावकूता।

2 पतरस 2:20

होड़कू अबूरीग परबू अरू सडावदार ईसू मसीकू सुदीकेडखन, चउंदीसराः जमा बरानाः बेलूर बुताकून अतेकू बनसावनेन तयोमरे, हँकू अरू हनानाः कसूरकूनरेकू बझाव जुवाःतान दो, हँकूराः हलाइत मड़ंग अते अरू बगरा बेनेलूर जुवाःता।

1 एहुना 2:19

नँकुःआ मसी मुदइ होड़कू मड़ंग अँननबू सुदाकू दोहोना, मनदो हँकू सनातायते अबूरिकुःआ होड़कू मेरकू दोहोगान। हँकू अबूरिकुःआ होड़कू दोहोकुःआ होले, अँननबू सुदाकू दोनोहो ञवनकुःआ। मनदो हँकू अबू अते हिगारयनाकू अरू ननानाः अते सुदीगोतेडकुःआबू हँकू अबूरिकुःआ होड़कू मेरकू दोहोगान।

उदुःतो कताकून 20:15

अरू तोनोंगीग होड़राः ञाव जीवराः कागदरे ओजाःतो मेर दोहोगान, हँकुःआ होड़कू सेंगेलराः हुडिंग समुंदररेकू रेमगे बोलोगोतेडकू।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”