एहुना 15:22 - Korwa Bible

²² ईंग मेरिंग वेगकुःआ अरू हँकू ओरोयिंग कतावाकेकिकुः दो, हँकू एचेरे कसूरराः बोझा ओरो दोहोकुःआ। मनदो नुँहू हँकू ओरोकू कता अवेतेरा, अले मेरले कसूरगरा माःआन।

एहुना 15:22 Σταυροειδείς Αναφορές

लूका 12:46

अरू हाँयग सेवकिया होड़ मेरेय टकागेयता हननमेला मालिक वेगता। दो हाँय मालिकतेन मुरुके डंडियावगेयता अरू बेगर बिसवासी होड़कू सुदाय वार एंडागोडेयता।

एहुना 12:48

ईंग आड-बेकारकेडखन ईंगराः कता मेरेय मनाःता हाँयग होड़ फड़ियावगेय लगा मी होड़ फड़ियावदार इदानिया। ईंग कता उदुःतेरा हनानाः कताते टुटीगगुः दिनरे हाँयराः डड़ियाव होयाःता।

एहुना 15:23

ईंगे हिनइस-बिनइसवाता हाँय, ईंग अपांग होंय हिनइस-बिनइसवायता।

एहुना 15:24

तोनोंगीग होड़ नुँहू वरी मेरेय एचेगरा हना बुता ईंग हँकू तलारे मेरिंग एचेकेः दो, हँकू एचेरे कसूरराः बोझा ओरो होयाकुःआ। मनदो हँकू ईंग अरू ईंगराः बुताकू ञेलकेरा अरू ईंग अरू ईंग अपांग बनरकू हिनइस-बिनइसवारा।

एहुना 16:9

होड़कू ईंग एचेरे मेरकू बिसवासगेता, हनालगा सुद बिरुवा अँकूराः कसूर बदीरे उदुःवाकूता।

एहुना 19:11

दो ईसू कता कुदातेरा, “भगवान आम हातपात मेरेय ओवाकेःमे दो ईंग एचेरे आमराः कही हातपात ओरो होयाकुःआ। हनालगा आम एचेरे ईंगे जिमाकेरा, हाँयग होड़राः कसूर मुरुक बगरा इदा।”

एहुना 9:41

ईसू हँकू एचेरेय कताया, “अपे अंधापे दोहोकुः दो अपे एचेरे कसूरराः बोझा ओरो दोहोनेना। मनदो अपे कतायतना, अले ञेञेलतनाले, हनानाः अते अपेराः कसूरराः बोझा दोनोहो जुवाःता।”

मूक चेलाकू 17:30

नानाः लगा होड़कू अनसिनहारकू दोहोना हना बेला भगवान मेरेय उहियारगाड। मनदो नुँहू हाँय चउंदीसरिकुःआ जमा होड़कू कसूर अते जीवकू कुदा लगाय हुकुमगेतना।

रूमी 1:20

भगवानराः लूर तोनोंगीग कहियो मेरकू ञेलगडा। मनदो भगवान चउंदीसे तुलाकेरा हना वरीते होड़कू हाँय तुलाकेरा हना जमाकूनकू ञेञेलतना। नाःआ ञेलकेडखन होड़कू सुदी अवेयता भगवानराः जंगर कहियो ओरो ओहरावनेना। हनालगा तोनोंगीग ओरोकू कता अवेतेरा, भगवान ईंग मेरिंग सुदीयतना, माःआन।

रूमी 2:1

ने सउंगता, आम सहे तोनोंगीग दोहोन, आम एटाः होड़कू बदीकेडखनमे फड़ियावकू दो हना बदीरे आम अनम बनसाः लगा कहिसाः ओरोम कता अवेतेरा। आम एटाःकूम बदीता, हनानाः कतारे आम होंम कसूरगेतना। हनालगा आम अनमरीग फड़ियावदारमे बड़ाँःता।

एकूब 4:17

तोनोंगीग होड़ नपाय नपाय एचेय लगाय सुदीयता, मनदो हना इया मेरेय एचेयता दो, हाँय कसूरगेतना।

1 पतरस 2:16

अपे अजइतयनापे। हनते हों अपे भगवानरिकुःआ सेवकिया होड़कू हवे। हनालगा अपे अजइतयनाले, माःआन ओंगोलकेडखन कसूर जीव जियाः लगा बुइद अहापे तुलाय।