एहुना 15:20 - Korwa Bible

²⁰ अपे एचेरेयिंग कतातेरा हना बड़रा अपे उहियार अगूयपे, तोनोंगीग बेगारी होड़ आँयगरीग मालिक अते मरंग मेरेय दोहोनता। हँकू ईंगकू संतावतेरा दो, अपे होंकू संतावपेता। अरू हँकू ईंगराः कताकू मनाः दो, अपेराः कता होंकू मनाःता।

एहुना 15:20 Σταυροειδείς Αναφορές

मती ओजाःतेरा भगवानराः नपाय सरवन 10:24

तोनोंगीग चेला अनँयगरीग चेडदार अते मरंग मेरेय बड़ाँःता। अरू तोनोंगीग सेवकिया अनँयगरीग मालिक अते मरंग मेरेय दोहोनता।

मरकूस 10:39

हँकिन ईसू एचेरेकिन कतातेड, “अलिंग अवेगोडतालिंग।” दो ईसू हँकिन एचेरेय कताया, “हाव, अबा अवेगोडता। ईंगके ससहाव इदा हना कटसिया अबा हों सहवेता अरू अबाराः जीवरे हों गराह गिराह होया जुवाःता।

लूका 2:34

हनते सिमोन उसूप अरू मरियम भलावातेडकिनखन मरियम एचेरेय कतातेरा, “अयुमेमे, नाँयग लँइगते इसराएलरिकुःआ बगरा होड़कूराः जीव लायगुः लगा अरू एटाःकूराः जीव बनसावगुः लगा होयाःता। नाँयग लँइग भगवान अते होड़कू लगा मीटोंग चिनहाय होयाःता अरू मुरुक बगरा होड़कू हाँयकू घंटाता,

लूका 6:40

चेला अनँयग गुरुजी अते मरंग कोवाया। गुरुजी चेलाय चेडगोडता हना तयोमरे हाँयग चेला गुरुजी इयाय होयाःता।

एहुना 10:31

नाःआ अयूमतेडखन एहूदाकू ईसू तेके गोएगगेय लगा दिरिकू रेमतेरा।

एहुना 11:57

मनदो मरंग पुजउरीकू अरू फरीसी होड़कू ईसूकू साब लगा नाःआ इयाकू हुकुम अटूतेरा, ईसू करे इदानिया हना तोनोंगीग होड़ सुदीय दो, हाँय अले एचेरेय उदुःगे, माःआन।

एहुना 13:16

अपे ईंगपे अयूम! तोनोंगीग सेवकिया होड़ आँयग मालिक अते मरंग कोवाया अरू तोनोंगीग आँयग बराहीले वारता हाँय आँयगरीग बराहील अते मरंग इदानिया।

एहुना 5:16

ईसू नाःआ जमाकून लोड़ोनराः दिनरेय एचेतेरा। हनालगा एहूदाकू हाँय संताव लगाकू बुँहड़ीतेरा।

एहुना 7:32

ईसूराः बदीरे होड़कू जहड़ बेडेग घड़ीनकू कता होड़ेंगा हना कताकून फरीसी होड़कू अयूमतेरा दो, मरंग पुजउरीकू अरू फरीसी होड़कू मी रायनेनखन ईसू साब लगा भगवानराः ओड़ाःरिकुःआ अगुरादारकूकू वारतेरा।

एहुना 8:51

अपे ईंगपे अयूम! तोनोंगीग होड़ ईंगराः कता इयाय सलाः, हाँय कहियो ओरोय गोएगनेना।”

एहुना 8:52

हनते एहूदाकू कतातेरा, “नुँहू अले सुदीबाःगोतेरा, आम एचेरे भूत इदा। अबूरीग खुटिपरिया होड़ इबराहीम गोएगयना अरू भगवानराः बड़रा कता होड़कू होंकू गोएगयना। मनदो आम कतायता, तोनोंगीग होड़ ईंगराः कता इयाय सलाः दो, हाँय कहियो ओरोय गोएगनेना, माःआन।

एहुना 8:59

नाःआ अयूमकेडखन हँकू ईसू तेके गोजेय लगा दिरिकूनकू रेमतेरा। मनदो ईसू कलेकाल भगवानराः ओड़ाः अतेय बोसोर उडुंगयान।

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

1 कुरिंती 4:12

अले अँननलेराः तिःईतेले मिहनइतगेता। होड़कू अलेकू कड़ीतान दो, भगवान हँकूराः जीव नपायगे लगाले अरजीता। अलेकू संतावतान दो हनले सहवेता।

2 कुरिंती 4:9

संतावतो इदानलेःआ, मनदो अड़ाः एंडात कोवालेःआ; दड़ीत इया इदानलेःआ, मनदो मेरले नरी नठी एंडानता।

1 तिसलूनिका 2:15

हँननकुःआ एहूदाकू भगवानरिकुःआ बड़रा कता होड़कू अरू परबू ईसू मसीकू ञेड एंडातेरा। अरू हँनकुःआ होड़कू अले होंकू एचे ञीरगोतेडले। अरू हँननकुःआ एहूदाकू जमा होड़कूकू घंटावता अरू भगवान हँकू सुदा बहाल कोवाया।

2 तिमुतियूस 3:12

सनातायते, ईसू मसी एचेरे बिसवासकेडखन भगवानराः हिछा इया जियाः लगाकू चाहाःता, हँकुःआ जमा होड़कू संतावरेकू पनाराःता।