एहुना 15:10 - Korwa Bible

¹⁰ ईंग, ईंग अपांगराः हुकुमकूनिंग मनाःता अरू हाँय सुदा ईंग अलार-दुलारगोड ञवनता, हनन इया अपे ईंगराः हुकुमकूनपे मनाः दो अपेयिंग अलार-दुलारगोड ञवनता।

एहुना 15:10 Σταυροειδείς Αναφορές

एहुना 10:18

तोनोंगीग ईंगराः जीव ईंग अते ओरोय गोः अवेतेरा, मनदो ईंग इनिंग ओंगोलतेयिंग एमेगोडता। ईंगराः जीव एएमे लगा अरू अरूयिंग गोः कुदाय लगा हों हातपात इदा। नाःआ हुकुम ईंग अपांग भगवान अगीतेयिंग पवावकिया।”

एहुना 12:49

ईंग इनिंग ओंगोलते मेरिंग कतागरा, मनदो ईंग चिला कता इदा अरू करा इयायिंग कताय, हना ईंगे वारकेरा हाँयग ईंग अपांग, ईंगे हुकुमवारा।

एहुना 14:15

अपे ईंगपे अलार-दुलारता दो, ईंगराः हुकुमपे मनाःता।

एहुना 14:21

अनँयग जीवरे ईंगराः कता दोहोकेडखने मनेवाता हाँय ईंगे अलार-दुलारता। ईंगे अलार-दुलारता हाँय ईंग अपांग हों हाँये अलार दुलारता। ईंग हों हाँयिंग अलार-दुलारता अरू ईंग इनिंग बदीरे हाँयिंग उदुःवाता।”

एहुना 14:23

दो ईसू कतातेड, “अपे तोनोंगीग ईंगपे अलार-दुलार दो, हाँय ईंगराः सरवने मनेवाता। ईंग अपांग हाँये अलार-दुलारता अरू अलिंग हाँय एचेरे सेनेकियनखन हाँय सुदालिंग दोहोनता।

एहुना 14:31

मनदो अपांग ईंग एचेरेय हुकुमकेरा, हनानाः इयायिंग एचेयता। नाःआते चउंदीसरिकुःआ होड़कू सुदीगोडता, ईंग अपांगिंग अलार-दुलारता, माःआन। दोबू अबू रिमुः अरू नानतेबू सेन।”

एहुना 17:4

ईंगमे जिमावातेरा हना बुता चनाबाबाःगोतेडिंग अरू नाःआते आमिंग एचे मान मरजइतकेरा।

एहुना 4:34

दो ईसू हँकू एचेरेय कताया, “ईंगे वारकेरा हाँयराः ओंगोल इयायिंग सेन अरू बुतायिंग बुता पुराव। ननानाः हवे ईंगराः जोम जिनिस।

एहुना 8:29

ईंगे वारकेरा, हाँय ईंग सुदा इदानिया। हाँय मंजूरवाता हना बुता सगर सइटिंग बुतागोड ञवनता। हनालगा हाँय ईंग, एकला मेरेय अड़ाःगींगता।”

एहुना 8:55

अपे हाँय मेरपे सुदीगेयतना, मनदो हाँय ईंग सुदीयतना। हाँय मेरिंग सुदीयता माःआन ईंग कताकेःआ होले ईंग अँननपे इयायिंग लबराकुःआ। मनदो हाँय ईंग सुदीयतना अरू हाँयराः कता इयायिंग सलाःतना।

1 कुरिंती 7:19

खतनान सहे मेरेय खतनान, बनरते तोनोंगाः मतलोब कोवानेःआ। मनदो भगवानराः हुकुम मनानाः मइद हवे।

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

इबरानी 7:26

इनीसू हमा अबू जुकूर मरंग मूक पुजउरी। हाँय सुद अरू बेगर गारबार अरू बेगर कसूरीग इदानिया। नुँहू हाँय सेरमो देसरे मुरुक मान मरजइत सुदा इदानिया।

2 पतरस 2:21

हँकू भगवानराः सताय अरू बेगर गारबारतेःआ दूर सुदीकेडखन सुद जीव जियाःराः हुकुमकू आड-बेकारवा अते, हँकू हनानाः दूर कहियो अहाकू सुदीकेः दो, हँकू लगा अरू नपाय दोहोकुःआ।

1 एहुना 2:3

अबू हाँयराः नियमकूनबू मनाःता दो अबू सनातायरेबू सुदी अवेयता अबू भगवानबू सुदीयतना, माःआन।

1 एहुना 2:5

तोनोंगीग होड़ भगवानराः कता इयाय एचेयता दो हाँय भगवान सतायतेय दुलारगेयता। नान अते अबू सुदीयता हाँय भगवानरीग होड़ हवे।

1 एहुना 2:6

अबू भगवानरिकुःआ होड़कू हवे माःआनबू कताय दो, अबू ईसू करा इयाय जियावनेना हनन इया अबू हों जियाः लगा इदा।

1 एहुना 5:3

अबू सतायरे भगवानबू दुलारता दो हाँय कताकेरा हना जमाकूनबू एचेगोड ञवनता। अरू हाँयराः हुकुमकून अबू लगा बोझा इया कोवानेःआ।

उदुःतो कताकून 22:14

अँनकूराः सोनहेकू बुहाल अमिंगेता हँकुःआ होड़कूराः जीव भगवान नपायगेता। हँकू हना सहरराः हता दुवारतेकू बोलो अवेनता अरू हँकू जीव एमेता हना सींगराः जोःओ जोम लगाकू पवाःता।