एहुना 14:20 - Korwa Bible

²⁰ हना दिन अपे सुनुदीगोडता ईंग अपांग भगवान सुदा मिनी इदानिंगा अरू अपे ईंग सुदा मिनी इदानपेःआ अरू ईंग अपे सुदा हों।

एहुना 14:20 Σταυροειδείς Αναφορές

एहुना 10:38

दो ईंग इनिंग अपांगराः बुतायिंग एचेता अरू अपे ईंग एचेरे मेरपे बिसवासगेता होले, ईंगराः बयाव जुवाः इयाःआ बुतारेपे बिसवासगे। हनाते अपे सुदीगोडता अपांग सुदायिंग मिनीयना अरू अपांग ईंग सुदा होंय मिनीयना।”

एहुना 14:10

आम मेरेम बिसवासगेतना जा, ईंग अपांग सुदा मिनी इदानिंगा अरू अपांग ईंग सुदा हों मिनी इदानिया, माःआन? ईंग कतायता हना कता ईंग, ईंगराः ओंगोलते मेरिंग कतायतना, मनदो अपांग ईंगराः जीवरेय दोहोनता अरू आँयगराः बुता ईंगतेय एचेयता।

एहुना 14:11

ईंग अपांग सुदा मिनी इदानिंगा अरू अपांग ईंग सुदा मिनी इदानिया, हना कता अपे बिसवासगे। नाःआ कतारे मेरपे बिसवासगेतान दो, ईंग एचेयतना हना बयाव जुवाः इयाःआ बुतारेपे बिसवासगे।

एहुना 16:23

हनमेला अपे ईंग एचेरे तोनोंगाः अअसे लगा कोवानेःआ। अपे ईंगपे अयूम! अपे ईंगराः ञावते कहिसाः ईंग अपांग एचेरेपे असेय दो, हना हाँय एनेमेवापेता।

एहुना 16:26

हना दिन अपे बदीरे ईंगके अपांग एचेरे अअसे लगा कोवानेःआ। अपे अँननपे ईंगराः ञावतेपे असेयता।

एहुना 17:11

ईंग नाःआ चउंदीसरे ओरोयिंग दोहोनेना मनदो नँकू चउंदीसरेकू दोहोनता अरू ईंग आम एचेरेयिंग सेनता। ने सुद अपांग भगवान, अलंग मिनी इदानलंगा, हनन इया हँकू हों मिनीकू दोहोन लगा ईंगमे एमेवातेरा अनमराः ञावराः जंगरते हँकूम बनसावगोड ञवन।

एहुना 17:26

ईंग हँकू एचेरे आमिंग एचे उदुःगोतेरा अरू उनुदुःगोड ञवनतिंग। हनाते आम ईंगमे दुलारता, हना दुलार हँकू एचेरे हों दोहोनता अरू ईंग इनिंग हँकू सुदा मिनीयिंग दोहोगोड ञवनता।

एहुना 17:7

नुँहू हँकू सुदीगोतेडकू जमाकून उदुःगे लगा अरू बुता लगा जंगरमे एमेवातेडिंगा।

एहुना 6:56

ईंगराः देहे जोमगोडता अरू ईंगराः बलंगीय ञूयता हाँयग होड़ ईंग सुदा मिनीय दोहोनता अरू ईंग हों हाँय सुदा।

रूमी 16:7

अंदरुनिकूस अरू उनियास ईंग अगीतेपे सलामगोडकिन। हँकिन ईंगरिकिनाः जइत सगा होड़किन हवे अरू ईंग सुदा जेहेलरेकिन दोहोना। ईसूरिकुःआ मूक चेलाकूतेनते हँकिन मान मरजइतगे इया होड़किन दोहोना अरू हँकिन ईंग अते मड़ंग ईसू मसी एचेरेकिन बिसवासकेरा।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

2 कुरिंती 12:2

ईसू मसी एचेरेय बिसवासगेतना मी होड़ होड़ इदानिया। चउदाह बरिस मड़ंगरे भगवान हाँयग होड़ सेनेरमो सेरमो देसे रेम गोःयडिया। हाँय देनेह देहरे जा बेगर देहरे भगवान रेमयडिया हना ईंग मेरिंग सुसुदीतना, मनदो भनगवान एकला नाःआ बदीरेय सुसुदीतना।

2 कुरिंती 13:5

अपे बिसवासरे बड़ियाड़ इदानपेःआ जा कोवान, हना अँननपे अंदजावगुः अरूपे जासगुः। अपे मेरपे सुदीयतना जा मसी अपे जीवरे इदानिया माःआन? निही दो अपे हाँयरिकुःआ होड़कू कोवापेःआ।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

2 कुरिंती 5:19

भगवान चउंदीसरिकुःआ होड़कू ईसू मसीते अनँयग सुदाय हेल-मेलकूतना। हनालगा हाँय हँकूराः कसूर मेरेय ओंगोल दोहोगेतना। अरू हाँय हनानाः हेल-मेलराः सरवन अलेय जिमावारा।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

कुलूसी 1:19

भगवान जमालेःआते हाँय एचेरे डेरान लगा बहालतेय ओंगोल दोहोतेरा।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

कुलूसी 2:9

ईसू मसी चउंदीसरेय दोहोन मेला, भगवानराः लूर जमालेःआ हाँय एचेरे दोहोना।

1 एहुना 4:12

तोनोंगीग होड़ भगवान नुँहू वरी मेरकू ञेलगडिया। मनदो अबू अलार-दुलार होड़ेंगता होले भगवान अबू जीवरेय दोहोनता अरू हाँयराः दुलार अबू जीवरे उडु-बुडू जुवाःता।