एहुना 13:8 - Korwa Bible

⁸ दो पतरस कतातेड, “आम ईंगराः काट कहियो बुबुहाल लगा ओरोयिंग एमेवातेडमेःआ।” दो ईसू हाँय एचेरेय कताया, “आमराः काट बुबुहाल लगा मेरेम ओवायिंग दो, आम ईंगरीग होड़ ना लवे।”

एहुना 13:8 Σταυροειδείς Αναφορές

मती ओजाःतेरा भगवानराः नपाय सरवन 16:22

दो पतरस ईसू एटाः अगीय गोःयाडीग अरू डंटाव घड़ीने कताया, “ने परबू, नाःआ इया कोवान। आम सुदा नाःआ इया कहियो ओरो होयानेना।”

मती ओजाःतेरा भगवानराः नपाय सरवन 21:29

दो हाँयग बेटात कतातेरा, ईंग ओरोयिंग सेनेडा। मनदो तयोमते हाँय पसतावनेनखने सेनेडा अरू अंगूरराः बगइचारेय बुतानेना।

मती ओजाःतेरा भगवानराः नपाय सरवन 26:33

हनते पतरस कतातेड, “गुरुजी, जमा होड़कू अड़ाःगोडमेकू दो ईंग ओरोयिंग अड़ाःतेडमेःआ।”

मती ओजाःतेरा भगवानराः नपाय सरवन 26:35

दो पतरस कतातेरा, “ईंग आम सुदा गुजुः हों पराः, आम ओरोयिंग आड-बेकारवातेडमेःआ।” हनन उड़ी एटाः चेलाकू होंकू कतातेरा।

एहुना 13:6

ईसू सिमोन पतरसराः काट बुहाले सेनेडा दो पतरस हाँय एचेरेय कतातेरा, “ने परबू, चिला लगा ईंगराः काटमे बुहालता?”

एहुना 13:9

हनते सिमोन पतरस कतातेड, “ने परबू, दो आम ईंगराः कनाट एकला कोवान, मनदो ईंगराः तिःई अरू बोः होंम बुहालगोड।”

एहुना 3:5

दो ईसू कतातेरा, “ईंगमे अयूम! तोनोंगीग होड़ भगवानराः राइजरीग होड़ बड़ाँः लगा इदान दो हाँय दाः अरू भगवानराः सुद बिरुवाते जनमावगुः लगा इदा।

मूक चेलाकू 22:16

अरू नुँहू आम चिलाम तंगीतना? रिमुःमे अरू बतिसमाम गोः अरू आमराः कसूर भगवान बराव एंडागे लगा ईसू एचेरेम बिसवासगे।

1 कुरिंती 6:11

अपे अते अदोम होड़कू हनन इयाकुःआ होड़कू दोहोना। मनदो परबू ईसू मसी अपे सडावकेडपे अते अरू भगवानराः सुद बिरुवाराः जंगरते भगवान अपेराः कसूरे बुहाल एंडागोतेरा, अरूय सुदकेडपेःआ अरू आँयग ओंगोलरे बेगर गारबार होड़कूय बड़ाँवगोतेडपेःआ।

इपीसी 5:26

भगवानराः सरवनते कलसिया, दाःतेकू बुहाल अमिंगगुःता हनन इया सुदगे लगा मसी अनँयग आँयग जिमानेना,

कुलूसी 2:18

भगवान अपेय एमेवापेता हना इमान अते तोनोंगीग अपे अहाकू अडिग अवेपे लगा सवासितीपे दोहोन। हँकुःआ होड़कू अँननकू हुडिंगकू बड़ाँव अडिगता, अरू सेरमोरिकुःआ बराहीलकूकू जागता। नाःआ इयाकुःआ होड़कू दरसनरेकू ञेल कता, हनानाः कताकून बदीरे, ओंगोल घड़ीनकू कता उदुःगोड ञवनता, अरू अँननकूराः ओंगोल इया बेगर लूर कताकूनरेकू बड़वारता।

कुलूसी 2:23

नाःआ जमा नियमकून नपाय कनहून इया ञिलुःता। अरू होड़कू अँननकूराः ओंगोलते भगवानकू जागता अरू अँननकू हुडिंग अडिगता अरू अँननकूराः देह-जंगरकू कटसीयाता। मनदो नाःआ इयाते होड़कूराः जीवराः बेलूर ओंगोल ओरोकू चलाः एंडा अवेतेरा।

तितूस 3:5

अबूराः तोनोंगाः नपाय बुताते भगवान मेरेय सडावगडबू, मनदो अनँयग आँयग मयावाडबूखन आँयगराः सुद बिरुवा अबू जीवरे पेरेगकेडखन अबूराः कसूरे बुहालकेरा अरू नँवा जीवे एमेकेरा।

इबरानी 10:22

दो हनालगा अबू नपाय ओंगोलते अरू मिनी जीवते बिसवासकेडखन भगवान एचेरेबू सेन। अबूराः इंदरी बेलूर ओंगोलते इरची सुदकेडखन अरू अबूराः देह सुद दाःते एचे बुहालकियानखन हाँय एचेरेबू सेन।

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।

उदुःतो कताकून 7:14

दो ईंग कता कुदातेरा, “ने साहेब, अनम सुदीयता।” हनते हाँय ईंगे कतावाड, “नँकू मुरुक कटसिया सहावकेडखनकू पार वेगकिया हँकुःआ होड़कू हवे। नँकू अँननकूराः सोनहे भेड़ा होनराः बलंगीतेकू बुहाल उजड़केरा।”