एहुना 13:27 - Korwa Bible

²⁷ जूदा डुंडीगतो रुटीय जोमतेरा दो ईसू हाँय एचेरेय कतातेरा, “दूमे! आम एएचे लगा इदा, हना नुनुँहूम एचेय।” हननमेला कलउ हाँय एचेरेय समसावनेना।

एहुना 13:27 Σταυροειδείς Αναφορές

मती ओजाःतेरा भगवानराः नपाय सरवन 12:45

हनते हाँय सेनेवाडखन हाँय अते, अरू बेलूर बेलूर सातगोटोंग भूतकूय अगूता अरू हाँयग होड़ एचेरेकू समसाव जुवाःता। हनते हाँयग होड़राः जीव मड़ंग अते अरू बेलूर जुवाःता। ननानाः इया नाःआ जूगरिकुःआ बेलूर होड़कूराः जीवरे होयाःता।”

मती ओजाःतेरा भगवानराः नपाय सरवन 4:10

दो ईसू हाँय एचेरेय कतातेड, “ने कलउ, ईंग अते ञीर जुवाःमे। भगवानराः कागदरे नाःआ इया ओजाःतो इदा, आमरीग परबू भगवानमे जाग अरू हनाँय एकलाम सेवा।”

मरकूस 6:25

हनते हाँयग एराहोन ओहेन राजा एचेरे तोराय अरू हाँय एचेरेय कताया, “ईंग चहाःतना, आम नुँहू बतिसमा एमेयीग होड़ एहुनाराः बोः मीटोंग छिपीरेम एचे अगूगोड।”

लूका 22:3

हनते ईसूरिकुःआ बारहगोटोंग मूक चेलाकूतेन अते मी होड़ जूदा इसकरियोतीराः जीवरे कलउ समसावयान।

एहुना 13:2

सिमोनरीग बेटात जूदा इसकरियोतीराः जीवरे ईसू एचे साब लगा मड़ंगते कलउ ओंगोले सोलोंग दोहोतेरा। दो ईसू अरू चेलाकूतेन बियाड़ीकू जोम मेला,

एहुना 13:28

मनदो ईसू चिला लगा हाँय एचेरे नाःआ इयाय कताकेरा माःआन जोजोम लगाकू दुड़ुःनेना हँकुःआ चेलाकू अते तोनोंगीग मेरकू सुदीगाड।

एहुना 6:70

दो ईसू कतातेड, “ईंग इनिंगते अपे बारहो होड़कूयिंग सुनावकेडपेःआ। हनारे हों अपे अते मी होड़ कलउरीग होड़ हवे।”

मूक चेलाकू 5:3

दो पतरस कतातेड, “ने हनानियाह, आम कलउराः ओंगोल इया सलाः लगा आम जीव हाँय एचेरे चिला लगाम जिमातेरा? आम भगवानराः सुद बिरुवा एचेरे चिला लगाम लबराकिया? कियारी अकिरिंगकेडखन अदोम ढिबुवा चिला लगा हिगारकेडखनमे दोहोगोतेडा?