एहुना 12:38 - Korwa Bible

³⁸ नाःआते भगवानराः बड़रा कतायीग होड़ एसयाह ओजाःतेरा हनानाः कता इया होयानेना। ने परबू, अलेराः सरवन इये बिसवासकेरा, अरू आमराः जंगर इये सुदीतेरा?

एहुना 12:38 Σταυροειδείς Αναφορές

मती ओजाःतेरा भगवानराः नपाय सरवन 15:7

ने पचघुचिया होड़कू, भगवानराः बड़रा कतायीग होड़ एसयाह अपे बदीरे सताये कतातेरा। हाँय नाःआ इयाय ओजाःतेरा,

मती ओजाःतेरा भगवानराः नपाय सरवन 16:17

हनते ईसू कता कुदातेरा, “ने एवनारीग बेटात सिमोन, भगवान आम जीवे नपायकेरा। तोनोंगीग मनुवा अगीते कोवान, मनदो सेरमो देसरे इदानिया ईंगरीग अपांग भगवान, नाःआ कता अनँयग आमे कता उदुःवाडमेःआ।

मती ओजाःतेरा भगवानराः नपाय सरवन 27:35

हँकू ईसू कुरूसरेकू ठोंकावतिडीगखन हाँयराः सोनहे अँननकू अँकू हटिंगगुः लगाकू चीट-पोटतेरा।

एहुना 12:37

होड़कू तलारे ईसू मुरुक बयाव जुवाः इयाःआ बुताकूने एचेतेरा, मनदो हँकू हाँय एचेरे मेरकू बिसवासगाड।

एहुना 12:39

एसयाह नाःआ इया हों भगवान बदीरेय ओजाःतेरा,

एहुना 15:25

भगवानराः कागदरे ओजाःतो इदा हना सरवन होनोयाः लगा नाःआ इया होयाकिया; हँकू ईंग बे अहवइरकू हिनइस-बिनइसवातेडिंगा।

एहुना 17:12

ईंग हँकू सुदा चउंदीसरेयिंग दोहोन मेला आमराः ञावराः जंगरते हँकूयिंग बनसाव हड़ाःकुःआ। लायगुः लगा भगवान दोहोतिरिया हनाँयग चेला एकला भगवानराः कागदरे ओजाःतो इयाय लायगुःता।

एहुना 19:24

हनालगा हँकू अँननकू अँकू कता होड़ेंगनेना, “अबू नाःआ अहाबू सिरावगे। मनदो नाःआ सोनहे इयेराः होयाःता हना सुदी लगाबू चीट-पोटगेता।” भगवानराः कागदरे ओजाःतो इया होनोयाः लगा नाःआ इया होयानेना। हँकुःआ होड़कू ईंगराः सोनहे लगाकू चीट-पोटतेरा, अरू ईंगराः सोनहे अँननकू हटिंगयान। दो सइना होड़कू हनन इयाकू एचेतेरा।

रूमी 10:16

मनदो मुरुक होड़कू नपाय सरवन मेरकू मनेवागाड। भगवानराः बड़रा कतायीग होड़ एसयाह कतातेरा, ने परबू, इये अलेराः सरवनकू बिसवासकेरा?

रूमी 10:20

तयोमरे भगवानराः बड़रा कतायीग होड़ एसयाह बेगर बोरते भगवान लगाय कता उदुःतेरा, “ईंग मेरकू ञामगिंगा, हँकुःआ होड़कू ईंगकू पवावयान अरू ईंग मेरकू होंबोरगिंगा हँकुःआ होड़कू ईंग एचे उदुःवातेडकुःआ।”

1 कुरिंती 1:24

मनदो भगवान सुनावतेडकुःआ हँकुःआ एहूदाकू लगा अरू बेगर एहूदाकू लगा ईसू मसीराः सरवन भगवानराः जंगर अरू कनहून उदुःगेता।

गलातिया 1:16

हनते हाँय अनँयग बेटात ईंगे उदुःवारिंगा, जेमहा ईंग बेगर एहूदाकू एचेरे नपाय सरवनिंग कता उदुःवाकू। ईंग तोनोंगीग होड़ सुदा मेरिंग कता होड़ेंगगना,