एहुना 12:36 - Korwa Bible

³⁶ मरसलरिकुःआ लइंकू होयाः लगा मरसल अपे सुदा इदान मेला हनारेपे बिसवासगोड ञवन।” नाःआ कतातेडखन ईसू सलावयाने अरू हँकुःआ एहूदाकू अते एनेकलाय दोहोना।

एहुना 12:36 Σταυροειδείς Αναφορές

मती ओजाःतेरा भगवानराः नपाय सरवन 21:17

हनते ईसू हँकुःआ होड़कू अड़ाःतेडखन हना सहर अते बहरी बेतनिया गाँव अगी तोराय अरू हंडा मी रइते दोहोनेना।

मती ओजाःतेरा भगवानराः नपाय सरवन 5:14

अपे नाःआ चउंदीसराः मरसल हवे। पहाड़ चोटरे दोहोनता हना सहर मेर ओकोनता।

लूका 16:8

दो कमचोर जिमेवारी होड़ चिलाय एचेकेरा हना हाँयग मालिक अयूमतेड अरू हाँय राःकेडखन हाँय एचेरेय कताया, आम ओंगोल चुवेरकेडखनमे एचेकेरा, माःआन। दो ईसू कताया, “चउंदीसरिकुःआ होड़कू अँननकूरिकुःआ होड़कू सुदा लेन देनरे भगवानराः राइजरिकुःआ होड़कू अते बगरा ओंगोल चुवेरकेडखनकू एचेयता।”

एहुना 1:7

अरू हाँय मरसलराः बदीरे होड़कू उदुःवा लगाय वेगनेना, जेमहा हाँयराः हिदइत होड़कू अयूमकेडखन मरसल हवे हाँयग होड़ एचेरेकू बिसवास अवेय।

एहुना 11:54

हनालगा ईसू हना बेला वरी एहूदाकू अते ओनोक दनंगरेय सेना। अरू हाँय टयंगाब ततेरराः लेसानरे दोहोना हना इपरइम सहररेय सेनेडा। हंडा हाँय आँयग चेलाकू सुदाय दोहोना।

एहुना 12:37

होड़कू तलारे ईसू मुरुक बयाव जुवाः इयाःआ बुताकूने एचेतेरा, मनदो हँकू हाँय एचेरे मेरकू बिसवासगाड।

एहुना 12:46

ईंग चउंदीसरे मरसल इयायिंग वेगकिया अरू ईंग एचेरेय बिसवासगे हाँय, अंदरारे ओरोय दोहोनेना।

एहुना 3:21

मनदो भगवानराः सतायरेय सलाःता हाँयग होड़, भगवान हाँयराः जीवरेय एचेकेरा हना जमा होड़कू सुदी अवेय लगा मरसल अगीय सेनता।”

एहुना 8:12

हनते ईसू होड़कू एचेरे अरूय कताया, “चउंदीसराः मरसल ईंग हवे। ईंग देहोरे वेगता हाँयग होड़ अंदरारे मेरेय सलाःता, मनदो हाँय जीव एमेता हना मरसले पवाःता।”

एहुना 8:59

नाःआ अयूमकेडखन हँकू ईसू तेके गोजेय लगा दिरिकूनकू रेमतेरा। मनदो ईसू कलेकाल भगवानराः ओड़ाः अतेय बोसोर उडुंगयान।

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

1 तिसलूनिका 5:5

अबू अंदरारेकू सलाःता हँकुःआ रइतरिकुःआ होड़कू कोवाबुःआ, मनदो अबू जमाकू मरसलरेकू सलाःता हँकुःआ दिनरिकुःआ लइंकू इदानबुःआ।

1 तिसलूनिका 5:8

अबू दिनरिकुःआ होड़कू इदानबुःआ। हनालगा अबू ईसू मसी एचेरे अबूराः बिसवास अरू एटाः होड़कू सुदा इदा हना दुलार झिलम इया तुसिंगकेडखन अरू ईसू मसी अबूय सडावता हना असरा सइनाकूराः टुपी इया हरूबकेडखन अँननबू ओंगोल समझाव हड़ाः इदा।