एहुना 12:29 - Korwa Bible

²⁹ हंडाकू चड़ाँकुःआ हँकुःआ होड़कू हना अरो अयूमतेडखनकू कताया, बदरी हदूड़किया, माःआन अरू एटाः होड़कू कताया, तोनोंगीग सेरमोरीग बराहील नाँय सुदाय बड़राकिया, माःआन।

एहुना 12:29 Σταυροειδείς Αναφορές

मूक चेलाकू 9:7

साहूल सुदाकू सेना हँकुःआ होड़कू तोनोंगाः अरोकू अयुमेःआ, मनदो तोनोंगीग मेरकू ञेलगाड। हनालगा हँकू तोनोंगाः बुतुड़ु मेरकू बुतुड़ु अवेःआ।

उदुःतो कताकून 11:19

हनते सेरमो देसरे इदा हना भगवानराः ओड़ाःकू गीगतेरा। अरू हना ओड़ाः पेंदारे भगवानराः कता-जमकावतोराः बकसा ञिलुःआ। हनमेला ठेड़ररे विड़चेड़ा अरू बदरी हदूड़ा अरू ओत डोलाःआ अरू मरंग मरंग अरील लोजोरनेना।

उदुःतो कताकून 14:2

हनते ईंग सेरमो देस अते मीटोंग अरोयिंग अयूमतेरा। हना अरो दाः तूःता हना अरो इया होदो होदो विरीना अरू बदरीराः मुरुक सटी हदूड़ इया दोहोना। ईंग अयूमतेरा हना अरो तंबुरराराः अरो इया गुंगूर गुंगूर विरीना।

उदुःतो कताकून 6:1

हनते हाँयग भेड़ा होन सातगोटोंग मोहर अते मीटोंग मोहरे उउघाड़ाःआ हनायिंग ञेलतेरा। हनते मीटोंग अरोयिंग अयूमतेरा। चइरगोटोंग जिनियत जीव-जंतूकू अते मीटोंग जीव-जंतू ठेड़ररे इयाःआ अरोते मुरुक सटीतेय कतातेरा, “दूमे।”

उदुःतो कताकून 8:5

हनते हाँयग बराहील सकलाकू दोहोता हना सोनाराः डुबहा गोःतेडखन हना धामराः सेंगेले रेमतेरा अरू चउंदीसरेय गिरहागोतेड। हनमेला ठेड़ररे विड़चेड़नेना अरू बदरी हदूड़नेना अरू ओत डोलाःआ।