एहुना 12:26 - Korwa Bible

²⁶ तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।

एहुना 12:26 Σταυροειδείς Αναφορές

मती ओजाःतेरा भगवानराः नपाय सरवन 16:24

ईसू चेलाकूतेन एचेरेय कतातेड, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

मती ओजाःतेरा भगवानराः नपाय सरवन 25:21

दो मालिक कता कुदातेरा, नपायमे एचेकेरा, ईंगरीग बिसवासगेयीग अरू नपाय सेवकिया। आम गुनमिन कतारे बिसवासगेयीगमे दोहोना। दो ईंग मुरुक कताकूनराः जिमेवारीयिंग ओवामता। आमरीग मालिक सुदा आम होंम बहाल जुवाः।

मरकूस 8:34

हनते ईसू हंडाकू जुमावनेना हँकुःआ होड़कू अरू आँयग चेलाकू आँयग एचेरे राःतेडखन हँकू एचेरेय कतातेरा, “तोनोंगीग ईंग तयोम अगी वेग लगाय ओंगलेतना दो हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

लूका 12:37

मालिक वेगवाडखन आँयगरिकुःआ सेवकिया होड़कू सपड़ावतोय ञेलकूता दो, हँकुःआ सेवकिया होड़कूराः जीव नपाय दोहोनता। अपे एचेरे सताय कतायिंग कतायतना, हाँयग मालिक मयांग कासवाडखन हँकुःआ सेवकिया होड़कू जोम लगाय एचे दुडुःकूता अरू हँकूय नेत-नेवारकूता।

लूका 6:46

ईंग ईसूरीग चेला हवे, माःआन अपे कतनता, मनदो ईंगराः बड़रा मेरपे मनाःता दो चिला लगा परबू परबू, माःआन ईंगपे राःतना?

लूका 9:23

हनते ईसू जमा होड़कू एचेरेय कताया, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस सगर दिन रेमकेडखन ईंग देह दूरे ओतोंग वेग।

एहुना 10:27

ईंगरिकुःआ भेड़ाकू ईंगराः अरोकू अयूमता। ईंग हँकूयिंग सुदीता अरू हँकू इनिंग देह दूरकू वेगता।

एहुना 13:16

अपे ईंगपे अयूम! तोनोंगीग सेवकिया होड़ आँयग मालिक अते मरंग कोवाया अरू तोनोंगीग आँयग बराहीले वारता हाँय आँयगरीग बराहील अते मरंग इदानिया।

एहुना 14:15

अपे ईंगपे अलार-दुलारता दो, ईंगराः हुकुमपे मनाःता।

एहुना 14:3

हंडा ततेरिंग तुलागोड दो ईंग कुदा वेगकियानखन अपेयिंग गोःयापेता अरू ईंग दोहोनता हना ततेररे अपे होँपे दोहोनता।

एहुना 15:20

अपे एचेरेयिंग कतातेरा हना बड़रा अपे उहियार अगूयपे, तोनोंगीग बेगारी होड़ आँयगरीग मालिक अते मरंग मेरेय दोहोनता। हँकू ईंगकू संतावतेरा दो, अपे होंकू संतावपेता। अरू हँकू ईंगराः कताकू मनाः दो, अपेराः कता होंकू मनाःता।

एहुना 17:24

ने अपांग, चउंदीसमे तुला अते मनाड़ंग आम ईंगमे दुलारकेरा। हनालगा आम ईंगमे जिमावारा हँकुःआ होड़कू, ईंग सुदा सगर सइटकू दोहोन लगा अरू आम ईंगमे एमेवारा हना मान मरजइत हँकू ञेल अवेय लगा आम एचेरेयिंग असेयतना।

एहुना 21:22

दो ईसू हाँय एचेरेय कतातेड, “नाँय ईंग कुदा वेग वरी जिनियते दोहोन लगायिंग चहाः दो आम लगा चिला होयाःता? मनदो आम ईंग दूरमे सनालावगोड ञवन।”

रूमी 1:1

ने अजी बोपोहकूतिंग, ईसू मसीरीग सेवादार अरू मूक चेलाराः सेवारे, अरू भगवानराः नपाय सरवन परसारगे लगा भगवान एटाःकिडिंगा, ईंग पउलूस नाःआ चिठीयिंग ओजाःगेतना।

रूमी 14:18

नाःआ इया ईसू मसीय सेवाता हाँयग होड़ भगवानराः ओंगोलरे अरू होड़कूराः ओंगोलरे हों नपाये दोहोनता।

2 कुरिंती 4:5

अले अँननले बदीरे कोवान मनदो ईसू मसी, परबू हवे माःआनले परसारगेता, अरू हाँय लगा अले अपेरिकुःआ सेवकियाकू इदानलेःआ।

2 कुरिंती 5:8

अले डीड़गार इदानलेःआ अरू नाःआ देह अटू एंडाकेडखन परबू सुदा बसाः लगाले तरसाःतना।

गलातिया 1:10

दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।

पिलिपी 1:23

ईंग जीव दो बार बंटायना। मी जीव कतायतना, गोएगकियानखन ईसू मसी सुदा दोहोन लगायिंग तरसाःतना। ननानाः ईंग लगा मुरुक ननपाय होयाकुःआ।

कुलूसी 3:24

दो अपे परबू ईसूपे सेवातना अरू हनाँय अपेराः सेवा बदलारे इमान इया इताडे एमेवापेता।

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

2 पतरस 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।

1 एहुना 5:3

अबू सतायरे भगवानबू दुलारता दो हाँय कताकेरा हना जमाकूनबू एचेगोड ञवनता। अरू हाँयराः हुकुमकून अबू लगा बोझा इया कोवानेःआ।

जूदा 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू एकूबरीग बोहोत इदानीग ईंग जूदा, अपांग भगवान दुलारकेडकूखने राःकेडकुःआ अरू ईसू मसी अनँयग लगाय बनसावकेडकुःआ, हँकुःआ होड़कू लगा नाःआ चिठीयिंग ओजाःगेतना।

उदुःतो कताकून 14:4

हँकू जमाकू कुवाँर इदानकुःआ, अरू कहियो तोनोंगीग अइमी सुदा मेरकू गेतेग मइलावगना। अरू भेड़ा होन हँकूय अगुवाइवाकूता, हनन अगी हाँय तयोम तयोमकू सेनता। हँकुःआ होड़कू मनुवाकू अते बुताराः मड़ंग बंटा इया भगवान अनँयग लगा अरू भेड़ा होन लगाय सडावतेडकुःआ।