एहुना 12:1 - Korwa Bible

¹ पसहा परोबराः छो दिन मड़ंग ईसू गोएगतो अतेय जियाव रेमतिरिया हाँयग लाजरराः गाँव बेतनियारेय वेजेडा।

एहुना 12:1 Σταυροειδείς Αναφορές

मती ओजाःतेरा भगवानराः नपाय सरवन 21:17

हनते ईसू हँकुःआ होड़कू अड़ाःतेडखन हना सहर अते बहरी बेतनिया गाँव अगी तोराय अरू हंडा मी रइते दोहोनेना।

मरकूस 11:11

हनते ईसू एरुसलेम मरंग सहर सोदोरनेनखन भगवानराः ओड़ाःरेय वेजेडा। अयूबनेना हनालगा हाँय अउग-बउग जमा जिनिसकून ञेलवाडखन आँयगरिकुःआ बारहगोटोंग मूक चेलाकू सुदा बेतनियाय कुदा सेनेडा।

लूका 24:50

तयोमरे एरुसलेम अते बेतनिया गाँव वरी ईसू हँकूय गोःयाडकू। हनते हाँय तिःई पेरेतेडखन हँकू भलावातेडखने कताया, अपेराः जीव-जहनकून नपाय जुवाः, माःआन।

लूका 7:37

दो ईसू सिमोन ओड़ाःरे एटाः होड़कू सुदा गुतियाय वेगकिया, हना अयूमकेडखन मी होड़ कसूर अइमी हंडाय वेजेडा। हाँय मीटोंग मुरुक किमइताः दिरिराः बोतोलरे नपाय महका हना सुनुमे अगूतेरा।

एहुना 11:1

लाजर ञावीग मी होड़ होड़ दोहोना। हाँय एहूदिया छतरराः बेतनिया गाँवरीग होड़ दोहोना। अरू मी दिन हाँय बेमारीरेय परावनेना। हाँयरिकिनाः मेमेसकिन मरियम अरू मारता दोहोना।

एहुना 11:43

नाःआ इया कतातेडखन मुरुक सटीते ईसू कतातेरा, “ने लाजर, उडुंग वेगमे।”

एहुना 11:44

अरू गोएगतोय दोहोना हाँयग होड़ कफन सोनहेते तिःईत कटात जमा मोड़हाव रेडतोय उडुंग वेगयान अरू हाँयराः सुरइत मीटोंग सेतराते तोल रेडतो दोहोना। दो हँकुःआ होड़कू एचेरे ईसू कतातेड, “नाँय लड़ाकिडिगखन सेने ओवायपे।”

एहुना 11:55

पसहा परोब लेनेसान सुदुरुःआ अरू मुरुक होड़कू अँननकू अँकू सुदगुः लगा परोब अते मड़ंग गाँव डीहकून अते एरुसलेम सहरकू सेनेडा।

एहुना 12:12

एटाः दिन पसहा परोब लगाकू वेगनेना हँकुःआ होड़कू अयूमतेरा, ईसू एरुसलेमरेय वेगतना, माःआन।

एहुना 12:20

पसहा परोबरे भगवान जाग लगाकू वेगनेना, हँकुःआ होड़कू अते अदोम बेगर एहूदाकू दोहोना।

एहुना 12:9

ईसू हंडा इदानिया माःआन मुरुक एहूदाकू सुदीतेरा अरूकू वेजेडा। हँकू गोएगतो अते ईसू जियाव रेमतिरिया, हाँयग लाजर ञेल लगा होंकू वेजेडा।