एहुना 11:55 - Korwa Bible

⁵⁵ पसहा परोब लेनेसान सुदुरुःआ अरू मुरुक होड़कू अँननकू अँकू सुदगुः लगा परोब अते मड़ंग गाँव डीहकून अते एरुसलेम सहरकू सेनेडा।

एहुना 11:55 Σταυροειδείς Αναφορές

मती ओजाःतेरा भगवानराः नपाय सरवन 26:1

ईसू नाःआ जमा कताकून अनँयग चेलाकू एचेरे कता उरियावनेनखने कताया,

मती ओजाःतेरा भगवानराः नपाय सरवन 26:2

“अपे सुसुदीतना बार दिन तयोमरे पसहा परोब इदा। अरू हनमेला होड़कू मनुवारीग बेटातकू सबेयता अरू कुरूसरेकू ठोंकाव गोजेयता।”

मरकूस 14:1

बार दिन तयोमरे पसहा परोब अरू रुटीराः परोब निचकाःआ। मरंग पुजउरीकू अरू नियम चेडदार होड़कू ईसू कलेकाल एचे साबकिडिगखन ञेड एंडागेय लगाकू ओंगलेःआ।

लूका 22:1

पसहा परोब माःआनकू कतावाता एहूदाकूराः रुटीराः परोब निचकाःआ।

एहुना 12:1

पसहा परोबराः छो दिन मड़ंग ईसू गोएगतो अतेय जियाव रेमतिरिया हाँयग लाजरराः गाँव बेतनियारेय वेजेडा।

एहुना 13:1

पसहा परोब बुँहड़ीन अते मड़ंग ईसू सुदीगोतेडे, नाःआ चउंदीस अड़ाःकेडखन ईंग अपांग एचेरे सेन लगा बेला निचकाःतना। अरू चउंदीसरे इदानकुःआ आँयग निकता होड़कू हाँय मुरुके दुलारकेडकुःआ अरू हनन इया हँकू सगर सइटे दुलारकूता।

एहुना 18:28

हनते एहूदा होड़कूरिकुःआ मूक होड़कू ईसू कइपाराः ओड़ाः अते रूमी देसरीग हातपात होड़ पिलातूसराः गड़हीरे अंगुः बेलाकू गोःतिरिया। हँकू, छेप जुवाःताबू, माःआनते गड़हीरे मेरकू बोलोगान, जेमहा हँकू पसहा परोबकू मनाव अवेन।

एहुना 2:13

दो एहूदाकूराः पसहा परोब लेनेसान निचकाःआ दो ईसू मरंग सहर एरुसलेम अगीय रकबनेना।

एहुना 2:6

दो हंडा छोगोटोंग कुंडाकूनकू मंडावतो दोहोना। हना मेमेडटोंग कुंडाकूनरे अंदांज अससी अते मी सव बीस लिटर वरी दाः सयोबा। नाःआ कुंडाकून एहूदाकू अँनकूराः रिती-बिधी इया बुहालगुः लगाकू उपयोतगेःआ।

एहुना 5:1

तोनोंग दिन तयोमरे ईसू एहूदाकूराः परोब लगा एरुसलेमे सेनेडा।

एहुना 6:4

दो एहूदाकूराः पसहा परोब निचकाःआ।

मूक चेलाकू 21:24

नँकुःआ होड़कूम गोः अरू हँकू सुदा आम हों सुद होयाःराः रिती-बिधीकूनमे एचे। अबूराः रिती-बिधी इया हँकू अँकूराः ऊब होसीड अवेकू लगा आम हँकू बलिदान देगगेराः खरचा होंम एमे। हनाते जमाकू सुदीयता आम बदीरेकू अयूमतेरा हनारे तोनोंगाः सताय कोवानेःआ माःआन। मनदो आम अनम नियम इयाम जियाःतना माःआनकू सुदीयता।

मूक चेलाकू 21:26

एटाः दिन पउलूस हँकुःआ चइरगोटोंग होड़कू सुदा एहूदाकूराः रिती-बिधी इया सुदगुः लगाकू एचेतेरा। हनते हँकू भगवानराः ओड़ाःरे सेनेडखन पउलूस पुजउरी एचेरेय कतातेड, “अलेराः सुदगुःराः दिनरे निनिन मिन दिन बनसावकिया। नाःआमिन दिन पुरावकेडखन अले जमाकू लगा बलिदानले देगता।”

मूक चेलाकू 24:18

अलेराः रिती-बिधी इया सुदकियानखन नाःआ जमाकूनिंग एने एएमेःआ मेला आसियारिकुःआ अदोम एहूदाकू भगवानराः ओड़ाःरे ईंगकू वेग ञामतेरा। अरू हनमेला ईंग एकलायिंग दोहोना अरू तोनोंगाः हलो-गदोड़ीरे मेरिंग मेसागान।

1 कुरिंती 11:28

परबू भोज जोम-ञूय अते मड़ंग अबू अँननबूराः इंदरी जासगुः लगा इदा।

एकूब 4:8

भनगवानराः लेसानरेपे दोहोन दो भगवान हों अँननपेराः लेसानरेय दोहोनता। ने कसूर होड़कू, अहापे कसूरगे। ने बार जीव ओंगोल होड़कू, अपेराः जीव सुदगेपे।