एहुना 11:54 - Korwa Bible

⁵⁴ हनालगा ईसू हना बेला वरी एहूदाकू अते ओनोक दनंगरेय सेना। अरू हाँय टयंगाब ततेरराः लेसानरे दोहोना हना इपरइम सहररेय सेनेडा। हंडा हाँय आँयग चेलाकू सुदाय दोहोना।

एहुना 11:54 Σταυροειδείς Αναφορές

एहुना 10:40

हना तयोमरे ईसू एरदन नई मार परोम तोराय। हना ततेररे एहुना मड़ंग दिनरे होड़कू बतिसमाय एमेवाकुःआ। अरू ईसू हंडा सेनेडखने दोहोना।

एहुना 18:20

ईसू हाँय एचेरेय कतातेरा, “ईंग जमा होड़कू मड़ंगरेयिंग कता उदुःतेरा। एहूदाकू जुमाःता हना अरजी ओड़ाःकूनरे अरू भगवानराः ओड़ाःरेयिंग कता उदुःतेरा अरू ओकोकियानखन तोनोंग इया मेरिंग कतागरा।

एहुना 7:1

हना तयोमरे ईसू गलील छतरराः एटाः गाँव सहरकूनरेय दँड़ा सेना। एहूदा होड़कूरिकुःआ मूक होड़कू ईसू ञेड एंडा लगाकू ओंगलेःआ। हनालगा हाँय एहूदिया छतर सेन लगा मेरेय चहाःआ।

एहुना 7:10

ईसूरिकुःआ बोपोहकूतेन परोब मनाः लगाकू सेनेडा। हना तयोमरे हाँय हों बोसोर उडुंगनेनखन परोब होरे सेनेडा।

एहुना 7:13

मनदो एहूदा मूक होड़कूराः बोतोरते तोनोंगीग होड़ हाँय बदीरे हुमइसके मेरकू बड़राःआ।

एहुना 7:4

तोनोंगीग होड़ आँयगराः ञाव जगावगे लगाय ओंगलेता दो, हाँय ओकोकियानखन तोनोंगाः बुता ओरोय बुतातेरा। आम नाःआ इया बुताम बुताता दो जमा होड़कू मड़ंगरेम एचे उदुःगोड।”