एहुना 10:17 - Korwa Bible

¹⁷ ईंग गुजुः लगा ईंगराः जीविंग एमेगोडता अरू हनते अरूयिंग जियाव रिमुःता। हनालगा ईंग अपांग ईंगे दुलारता।

एहुना 10:17 Σταυροειδείς Αναφορές

एहुना 10:11

नपाय सरवाहा ईंग हवे। नपाय सरवाहा आँयगरिकुःआ भेड़ाकू लगा गुजुः लगा हों सपड़ावतो दोहोनता।

एहुना 10:15

अरू ईंग ईंगरिकुःआ भेड़ाकू लगा ईंगराः जीविंग एमेगोडता। ईंगरीग अपांग ईंगे सुदीता, हनन इया ईंग हों ईंगरीग अपांगिंग सुदीता।

एहुना 10:18

तोनोंगीग ईंगराः जीव ईंग अते ओरोय गोः अवेतेरा, मनदो ईंग इनिंग ओंगोलतेयिंग एमेगोडता। ईंगराः जीव एएमे लगा अरू अरूयिंग गोः कुदाय लगा हों हातपात इदा। नाःआ हुकुम ईंग अपांग भगवान अगीतेयिंग पवावकिया।”

एहुना 3:25

दो मी दिन सुदगुः लगा तिःईकून अरू काटकून बुहालराः रिती-बिधी बदीरे एहुनारिकुःआ चेलाकू अरू मी होड़ एहूदा होड़ सुदाकू अड़ा-चउकीयान।

इबरानी 1:9

आम सताय कताम मंजूरवाता अरू बेलूर कताम हिनइस-बिनइसवाता। हनालगा भगवान, अनमरीग भगवान, बनाहालते सुनावकेडमेखन आमरिकुःआ सउंगताकूताम अते राजाय बड़ाँवकेडमेःआ।”

इबरानी 2:9

मनदो अबू ईसूबू ञेलता। दो गुनमिन बेला लगा हाँय सेरमो देसरिकुःआ बराहीलकू अते भगवान हुडिंगे बड़ाँवतिरिया, जेमहा हाँय भगवानराः मयाते जमाकू लगा गुजुःए अटकार अवे। अरू नुँहू हाँय गुजुः सहावतेडखन मान मरजइते पवावकिया अरू मरंगे बड़ाँवयना।